Föstudaginn 31. október nk. var Opinn dagur í öllum deildum Listaháskóla Íslands og var áhugasömum boðið að koma í skólann og kynnast starfsemi hans.

Í Listaháskólanum voru nemendur og kennarar til viðtals og upplýsingagjafar. Fjölbreytt dagskrá var í deildum skólans og má þar nefna uppákomur, leiðsögn um deildir og sýningar á verkefnum nemenda.  Jafnframt gátu gestir geta fengið upplýsingar um umsóknarferli og nemendur kynntu inntökumöppur.

Deildir voru opnar sem hér segir:

Myndlistardeild / Kennaranám. Laugarnesvegur 91. Kl. 11.00-18.00

Í Laugarnesinu var opið hús í myndlistardeild og var m.a. boðið upp fasta kynningu á myndlistardeildinni kl. 11.15, 14.15 og 17.15.  Einnig var opin sýning á verkum annars árs nemenda þar sem sýnd voru málverk, vídeó og skúlptúrar. Annars árs nemendur voru með leiðsögn um þessa sýningu sína kl. 11.45, 12.30 og síðan á klukkutíma fresti til 16.:30.  Einnig lágu ferilmöppur nemenda og nokkrar umsóknarmöppur frammi til sýnis fyrir gesti og gangandi.

Í húsakynnum Kennaranáms LHÍ á 2. hæð í Laugarnesinu tók forstöðumaður námsins á móti gestum á opnum degi.

Hönnunar-og arkitektúrdeild. Skipholt 1. Kl. 11.00-18.00

Frá kl.11.00-18.00 tóku prófessorar, fagstjórar, kennarar og nemendur á móti gestum. Boðið var upp á leiðsögn um deildina þar sem inntökuferli og nám var útskýrt. Inntökumöppur voru til sýnis og svöruðu nemendur fyrirspurnum.

Sýning var á verkum þriðja árs nema í vöruhönnun úr námskeiðinu 105. Þar hafa nemendur kortlagt tiltekið póstnúmer, framleiðandi starfsemi, verslun og þjónustu og skráð nákvæma lýsingu á þeirri þekkingu, tækni og markaði sem er fyrir hendi. Nemendur sjálfir kynntu verkin sem eru mjög áhugaverð.

Einnig var til sýnis verkefnið “Frakkastígurinn” frá arkitektúrnemum á fyrsta ári. Í því verkefni var Frakkastígurinn kortlagður og rannsakaður bæði út frá byggingarlegu sjónarmiði og í félagslegu og sögulegu samhengi. Þá má nefna sýningu á veggspjöldum úr námskeiðinu Þjóðararfurinn sem fyrsta árs nemar í grafískri hönnun voru að ljúka og margt fleira.

Leiklistardeild /Tónlistardeild. Sölvhólsgata 13. Kl. 14.00-18.00

Í leiklistardeild og tónlistardeild voru stuttar leiksýningar og tónlistaratriði frá kl. 14.00.

Í leiklistardeild var m.a. kynning á einstaklingsverkefnum þriðja árs nema, opnir danstímar, sýning á mínútumyndun nema í Fræði og framkvæmd og margt fleira. Í tónlistardeild voru  tónlistaruppákomur í gangi allan daginn.Í báðum deildum var mikið líf og fjör og hægt að spjalla við fagstjóra, prófessora og leiklistar- og tónlistarnemendur.

Leiklistardeild ítardagskrá:

Svarti salur - kl.14:00-18:00

DVD. Myndir frá viðburðum og uppákomum.

Bókasafn - Kl.14:00-18:00

Mínútumyndir 1. árs fræði & framkvæmd rúlla í tölvunum niðri frá kl.14-18. Nemendurnir kynna verkin við tölvurnar milli kl.17:00-18:00.

Álfhóll. Kl.16.30 og 17.30

Dansbraut verður með sýningu á nýju verki í vinnslu.

Kl.15:00 -15:30

Anna Gunndís, nemi í leiklistardeild sýnir hluta af kvikmynd eftir hana sjálfa.

Smiðjan. kl. 15.30-16.30

Kynning í Verklegri leiklistarsögu, unnið út frá hugmyndum Wagners (ekki er hleypt inn eftir að kynning er byrjuð.

Hrái salur. Kl. 15:30-16:00
Þriðja árs leiklistarnemar sýna einstaklingsverkefni í Hráa sal.

Álfhóll. Kl. 19.00-21.00
Jam Improvisation. Dans, leiklist, myndlist, tónlist

Tónlistardeild ítardagskrá:

Hvar / Klukkan	14:00	14:30	15:00	16:00	16:30	17:00	17:30
Flyglasalur	Grieg djamm píanó	Quintett		Beethoven duett Fiðlusamspil undir stjórn Guðnýjar Guðmundsd.		Píanoverk
Stúdíó Sölvhóll			tónsmíðanemi sýnir	Opinn masterklassi hjá tónsmíðanemendum		tónsmíðanemi sýnir
Fræðiherbergi 3. hæð	tónsmíðanemar til viðtals			tónsmíðanemar til viðtals		tónsmíðanemar til viðtals
Kyndiklefi							S.O.C - band
Græni salur 3. hæð				samspil fiðlunemenda umsjón Guðný Guðmundsdóttir
Mötuneyti					DJ frá 16.30 - 17.30		gítar
Skoðunarferð um skólann	Leiðsögn hefst		Leiðsögn hefst	Leiðsögn hefst		Leiðsögn hefst

Listaháskóli Íslands og Háskólinn í Reykjavík kynna:

Nýjar leiðir í atvinnusköpun á umbrotatímum.

Í síbreytilegum heimi þar sem allt er fallvalt eins og atburðir liðinna vikna bera vitni um eru óbeislað hugmyndarflug og frjór hugur dýrmætustu auðlindir okkar. Listaháskóli Íslands og Háskólinn í Reykjavík hafa tekið höndum saman um að finna þessum auðlindum sem búa í höfði unga fólksins greiðan farveg sem auðveldar hugmyndaflæði á milli ólíkra sviða og listgreina.

Tilgangurinn með samstarfsverkefni háskólanna tveggja er að leysa sköpunarkraftinn úr læðingi og tryggja að góðar hugmyndir geti orðið að veruleika.

Vinnuhópar nemenda boða til kynningar á verkefnum sínum í Þjóðleikhússkjallaranum, föstudaginn 31. október, frá 13.00 til 17.00.

Að kynningu lokinni gefst gestum kostur á að skoða verkefnin betur, skála fyrir Íslandi og fagna framtíðinni, sem er björtþegar horft er til virkjunarmöguleika íslensks hugarafls. Kl. 18.00 tilkynnir dómnefnd hvaða hópur hlýtur verðlaun fyrir besta verkefnið.

Dagskrá:

Kl.13:00 Hópur 12, Promo.

Kl.13:15 Hópur 7, Örvi.

Kl.13.30 Hópur 5, Viss.

Kl.13:45 Hópur, 9, Ljósmyndasafn Reykjavíkur.

Kl: 14:00 Hópur 6, Fjöliðjan.

Kl.14:15 Hópur 2, Clara.

Kl.14:30-14:45 Hlé

Kl.14:45 Hópur 11, Radio Gaga.

Kl.15:00 Group 8, Litla hraun.

Kl.15:15 Hópur 1, Gogo Yoko.

15:30 Hópur 4, Bjarkarás.

15:45 Hópur 10, Northen Orbit Dreambox.

16:00 Hópur 3, Fair Trade.

Ingirafn Steinarsson myndlistarmaður heldur fyrirlestur um eigin verk á vegum Opna Listaháskólans mánudaginn 27. okt kl 12:30, í húsnæði myndlistardeildar Listaháskóla Íslands, Laugarnesvegi 91 í Reykjavík.
Ingirafn (f. 1973) útskrifaðist með mastersgráðu frá Listaháskólanum í Malmö, Svíþjóð árið 2005 eftir nám í Listaháskólanum í Vín, Austurríki árið 2003 og Myndlista og handíðaskóla Íslands 1996 - 1999. Hann hefur sýnt verk sín á einka- og samsýningum á Íslandi síðan 1998 og einnig tekið þátt í sýningum í nokkrum borgum Evrópu og Bandaríkjanna.

Nýjasta einkasýning hans hérlendis Fagurfræði, virkni, go go froða var í D-sal Hafnarhúss, Listasafni Reykjavíkur í byrjun þessa árs.

Myndlistarmenn, hönnuðir, leikarar og tónlistarmenn. Tekið er inn í Kennarnám við Listaháskóla Íslands í janúar 2009.

Kennaranám í Listaháskóla Íslands er ætlað listamönnum er lokið hafa BA gráðu í tónlist, myndlist, hönnun og leiklist. Námið miðar að því að þjálfa listamenn tll kennslu í sinni listgrein og efla með þeim persónulega færni og kunnáttu til að miðla þekkingu sinni

Kennaranámið er 60 ECTS eininga nám og lýkur með diplóma sem gefur réttindi til að sækja til menntamálaráðuneytis um lögvernduð réttindi til kennslu á grunn- og framhaldsskólastigi.

Umsóknarfrestur fyrir nám á vormisseri 2009 er 1. desember.  Kennsla hefst 8. janúar 2009. Nemendur sem hefja nám á vormisseri 2008 geta valið um að útskrifast annað hvort vorið 2010 eða að dreifa náminu á lengri tíma og útskrifast vorið 2011.

Skólagjöld í kennaranámi við Listaháskólann á vormisseri 2009 eru 81.000 krónur fyrir fullt nám og 63.000 krónur fyrir hálft nám.

Nánari upplýsingar um skipulag námsins er að finna á http://kennaranam.lhi.is/

Opnað verður fyrir rafrænar umsóknir 1.nóvember n.k.