OPNI LISTAHÁSKÓLINN,  HÁDEGISFYRIRLESTUR mánudaginn  26. okt kl 12:30.

Myndlistarkonurnar Malin Ståhl og Anita Wernström fjalla um verk sín og kynna viðburð á Sequences hátíðinni, í  hádegisfyrirlestri í  Opna listaháskólanum, í húsnæði myndlistardeildar Listaháskóla Íslands, Laugarnesvegi 91, mánudaginn 26. október kl. 12:30.

Two artists working in a variety of media, and whose individual practices sometimes meet in collaborative performance, Anita Wernström and Malin Ståhl explore romantic and existensialist ponderings in a contemporary media landscape.
The artists have worked together on numerous projects examining the possibilities within collaboration. The talk will take its point of departure in the concept of collaborative practice, and its possibilities, strengths and difficulties, mapping a path through examples in the artist’s joint and individual practices.

The talk will also include a presentation of the curator duo Julia Comodín and Annika von Silverhammar who work together in supporting young artists on the arena of live art and performance art. Comodin Silverhammar will visit Reykjavík for the Sequences Art Festival to curate an evening of performances as part of the exhibition (made up and let down) at the Lost Horse Gallery.

Allir velkomnir

Þann 21. október næstkomandi verður verk Howard Barker, Þekking og stúlka (Knowledge and a Girl) leiklesið í húsnæði Listaháskólans, í þýðingu Kolbrúnar Bjartar Sigfúsdóttur. Um er að ræða frumflutning á verkinu á Íslandi.

Í Þekkingu og stúlku tekst skáldið á við söguna um Mjallhvíti en sjónum okkar er beint að illu stjúpunni. Úr verður einstakur texti eins og Barker er einum lagið og blandast sótsvartur húmor við beiskan harmleikinn.

Howard Barker er breskt leikskáld og leikstjóri sem fagnar 21 árs starfsafmæli í ár með leiksmiðju sinni, The Wrestling School. Að því tilefni hefur verið blásið til hátíðar honum til heiðurs sem ber heitið 21 for 21 og fer fram um allan heim á þessum degi, 21. október. Meðal þátttakenda á hátíðinni eru listaskólarnir RADA, Exeter University og East 15, auk Royal Shakespeare Company og Avatar Repertory Theatre svo fátt eitt sé nefnt. Alls verða flutt verk eftir Barker í 18 löndum í fjórum heimsálfum og á sjö tungumálum. Þekking og stúlka er eina íslenska framlagið til hátíðarinnar.

Kolbrún Björt Sigfúsdóttir útskrifaðist úr Fræði og framkvæmd við Listaháskóla Íslands 2008. Meðal leikstjórnarverkefna hennar má nefna söngleik MS um Harry Potter og samsett verk Brite Theater á artFart í sumar, Það dansar enginn við sjálfan sig. Í vetur leikstýrir Kolbrún Lyklinum að jólunum hjá Leikfélagi Akureyrar.

Leikarar eru Vigdís Másdóttir, Tyrfingur Tyrfingsson, Ragnheiður Harpa Leifsdóttir, Hannes Óli Ágústsson, Bjartmar Þórðarson, Oddur Júlíusson, Sigríður Ásgeirsdóttir og Erlingur Grétar Einarsson.

Lesturinn hefst klukkan 20.30 í húsakynnum leiklistardeildar Listaháskólans, Sölvhólsgötu 13. Frítt er inn.

Nemendaleikhús Listaháskóla Íslands frumsýndi Eftirlitsmanninn eftir Nikolai Gogol í nýrri þýðingu Bjarna Jónssonar föstudaginn 9.október við mjög góðar viðtökur áhorfenda en uppselt er á allar sýningar til og með 25.október.

Sýnt er í Smiðjunni, leikhúsi Listaháskólans við Sölvhólsgötu.

Gogol hefði orðið 200 ára í ár en er svo sannarlega sígildur í bestu merkingu þess orðs. Hann er talinn til höfuðskálda Rússa og leikritið Eftirlitsmaðurinn er álitið þjóðargersemi þar í landi. Þekktasta skáldsaga hans er vafalaust Dauðar sálir.

Leikritið Eftirlitsmaðurinn gerist í lítill borg þar sem spillingin er allsráðandi. Ráðamenn mergsjúga þegnanna, samfélagið líður fyrir græðgi og lágar hvatir þeirra sem deila og drottna. Það verður uppi fótur og fit þegar fréttist, að mættur sé á svæðið eftirlitsmaður frá Pétursborg til að taka út stjórnsýsluna. Í ölluuppnáminu fara þeir mannavillt; auðnuleysingi og spilafíkill er tekinn fyrir þessa  meiriháttar persónu úr hinum glæsta höfuðstað. Úr verður krassandi flétta þar sem allt er lagt í sölurnar til að bjarga eigin skinni.

Leikstjóri er Stefán Jónsson, leikmynd er í höndum Móeiðar Helgadóttir, Myrra Leifsdóttir sér um búninga og gerfi, tónlist er samin af Möggu Stínu nemanda í tónsmíðum í LHÍ og lýsing er í höndum Mika Haarinen skiptinema í LHÍ. Framkvæmda-og tæknistjórn: Egill Ingibergsson og aðstoð við leikmynd og tæknivinnu: Brynja Björnsdóttir.

Nemendaleikhúsið í vetur skipa:

Anna Gunndís Guðmundsdóttir, Hilmar Guðjónsson, Hilmir Jensson, Lára Jóhanna Jónsdóttir,

Svandís Dóra Einarsdóttir, Þórunn Arna Kristjánsdóttir og Ævar Þór Benediktsson.

Miðasala fer fram í Nemendaleikhúsinu frá kl. 18.00 - 20.00 sýningardaga og í s: 895 6994 / og á leiklist@lhi.is.

Miðasala er einnig á midi.is

Eftirlitsmaðurinn - sýningaáætlun

Þróun háskólanáms á Íslandi hefur verið undraverð síðustu árin, eða allt frá því að lög voru sett um háskóla 1997 sem leyfðu stofnun nýrra háskóla. Með nýju skólunum sköpuðust forsendur fyrir samkeppni á öllum sviðum, nemendur fengu úr meiru að velja, námsframboð margfaldaðist, ný hámenntastörf urðu til, og umræðan um háskóla og vísindastörf færðist úr þröngum hópum til almennings. Má fullyrða að í engri grein íslensks atvinnulífs hafi verið eins mikill kraftur og eldmóður síðustu árin eins og í starfsemi háskólanna.

Vöxturinn hefur verið gríðarlegur, og við höfum sannarlega notið góðs af því. Nú er hins vegar kominn tími til að hugsa upp á nýtt. Hrun efnahagskerfisins setur strik í reikninginn og gerð er krafa um stórfelldan samdrátt í rekstri skólanna. Það er tekist á um hvernig það skuli gert, og skipast línur í þeirri umræðu eftir almennum lífsviðhorfum og því hvar menn starfa. Forræði gagnvart sjálfstæði,  reglufesta gagnvart sveigjanleika, fjölbreytni andstætt fábreytni, einhæfni á móti fjölhæfni  - allt átakapólar sem umræðan veltist um.

Tillaga um endurskipulagningu háskólakerfisins getur ekki og má ekki snúast um félagslegar lausnir eða tilvist stofnana. Hún getur snúist um hagræði og skilvirkni, sparnað og ráðdeild, gagnsæi og jafnræði, - allt þættir sem skipta miklu máli, en þó fyrst og fremst á hún að snúast um menntunina sjálfa, gæði hennar, fjölbreytni, og afköstin; um nemendurna, rannsóknirnar, nýsköpunina og áhrifin inn í samfélagið. Við eigum að spyrja hvaða kröfur við gerum til skólanna, hvað skyldur það eru sem ríkið og önnur stjórnvöld þurfa að uppfylla, og ekki síst þurfum við að gera kröfur til nemenda skólanna sem þegar upp er staðið er efniviðurinn sem allt byggir á.

Undirritaður leggur fram tillögu sem tekur á þessum þáttum. Hún felur í sér róttækar breytingar á rekstrarformi ríkisháskólanna, að losað verði um ráðningafesti starfsmanna, að stjórnvöld skilgreini fyrirhuguð útgjöld sín til háskólamenntunar og rannsókna, og að ströng skilyrði verði sett um skilvirkni háskólanna. Ennfremur gerir hún ráð fyrir að skólarnir standi jafnfætis gagnvart rétti til töku skólagjalda og jafnræðis verði gætt gagnvart skólunum við úthlutanir fjármuna til þróunarstarfs og rannsókna. Þá er það lykilatriði að inntaka nemanda í háskóla verði markvissari og sá réttur afnuminn að nemandi geti innritast sjálfkrafa í háskóladeild.

Helstu atriði tillögunnar eru þessi:

• Rekstrarform háskóla verði samræmt: sjálfseignarstofnanir.
• Losað verði um ráðningafestu starfsmanna: aukinn sveigjanleiki.
• Fjöldi greiddra nemendasæta á hverju fræðasviði verði fyrirfram skilgreindur.
• Reiknilíkan endurspegli raunverulegan kostnað við rekstur náms.
• Settar verði mælistikur um skilvirkni, þ.m.t. um hámark námstíma og brottfall nemenda.
• Inntaka nemenda byggi á prófum, mati á verkefnum og viðtölum.
• Gerðar verði reglubundnar og samræmdar kannanir á afdrifum útskrifaðra nemenda.
• Sett upp virkt og utanaðkomandi gæðaeftirlit: áhersla á faglegan árangur.
• Tölfræði um starfsemi háskólanna byggi á samræmdum forsendum.
• Háskólaskrifstofa menntamálaráðuneytis  verði efld og fengið aukið hlutverk.
• Samstarfsnefnd háskólastigsins gerð virkari og hlutverk hennar betur skilgreint.
• Háskólar settir jafnir gagnvart fjárveitingum úr sjóðum ríkisins og njóti sama aðgangs að vernduðum tekjustofnum.
• Framlög til rannsókna skilgreind eftir fræðasviðum, rannsóknarfé fylgi hverju nemendasæti.
• Skólarnir standi jafnfætis gagnvart innheimtu skólagjalda.
• Hámark sett á upphæð námsláns nemanda til greiðslu skólagjalda.
• Lán til greiðslu skólagjalda verði takmörkuð við nám í viðurkenndum háskólum.
• Háskólum og rannsóknarstofnunum tryggð grunnframlög til rannsókna innan hvers fræðasviðs.
• Opinberu rannsóknarfé veitt til samkeppnissjóða, úthlutað á grundvelli samkeppni og jafningjamats.
• Rannsóknasjóðir sem tengjast atvinnugreinum og ýmsum sértækum verkefnum settir undir eina stjórn.
• Gerð tímasett áætlun um eflingu rannsókna og nýsköpunar í fyrirtækjum.
• Stjórnvöld setji fram tímabundna forgangsröðun um rannsóknarsvið og áherslur í rannsóknum.

Uppstokkun háskólakerfisins krefst nýrrar hugsunar og djarfra ákvarðana. Háskólafólk, stjórnmálamenn, og aðrir sem um þessi mál véla, verða að hefja sig upp úr fyrirframgefnum skoðunum og pólitískum klisjum, horfa yfir heildina, og meta málin raunsætt, - sjá hvað er hægt og hvað er ekki hægt, og svo hrinda í framkvæmd því sem menn trúa að sé fyrir bestu.