Innovation and Creativity in the Hands of the Young
Alþjóðleg ráðstefnu um sköpun og ungt fólk, verður haldin á Grand Hótel dagana 2.-4. desember.  Ráðstefnan er undir yfirskriftinni “Innovation and Creativity in the Hands of the Young” og býður upp á fjölda af erinda, málstofur og veggspjaldakynningar er varða skapandi hugsun og ungt fólk. Ráðstefnutungmálið er enska.

Listaháskólinn stendur fyrir áhugaverðri málstofu á ráðstefnunni. Málstofan ber yfirskriftina “Where is the Place for Creativity in Society?” og er ætlað að fjalla um skapandi hugsun í samfélaginu út frá margvíslegum og gagnrýnum sjónarhornum. Málstofan fer fram á ensku föstudaginn 4. desember kl. 10.30-12.00 og er henni lýst svona á heimasíðu ráðstefnunnar:

The workshop participants will address the question “Where is the Place for Creativity in Society?” by drawing on their own experiences, critical reflections and backgrounds. Participants will reflect upon the agency of creativity in society in general, as well as discussing creativity as a particular source in society’s various institutions, such as the business sector, higher education and science, administrative sector and bureaucracy, in addition to the culture and arts sector. Participants are lead together from different spheres in Icelandic society, in order to form a dynamic and critical dialogue, not least in the light of recent development that lead to the collapse of the country.

Þátttakendur málstofunnar eru:

Ása Richardsdóttir, Framkvæmdastjóri Íslenska dansflokksins og forseti Leiklistarsambands Íslands

Berglind Rós Magnúsdóttir, Ráðgjafi menntamálaráðherra

Daníel Björnsson, Verkefnisstjóri Hugmyndahúss háskólanna

Eva Rún Snorradóttir, Meðlimur sviðslistahópsins Kviss, Búmm, Bang

Halla Tómasdóttir, Stjórnarformaður Auður Capital

Hrund Gunnsteinsdóttir, Forstöðukona Prisma og framkvæmdastjóri Krád Consulting

Kristján Guy Burgess, Ráðgjafi utanríkisráðherra

Kristján Leósson, Vísindamaður við Raunvísindastofnun Háskóla Íslands

Ólöf Gerður Sigfúsdóttir, forstöðumaður rannsóknaþjónustu Listaháskólans, stjórnar málstofunni.

Nánari upplýsingar um markmið ráðstefnunnar og dagskrá má finna á heimasíðu hennar: http://www.yourhost.is/titlar-atburda/ichy2009.html

Allar nánari upplýsingar um ráðstefnuna er að finna á heimasíðu hennar

Nú á dögunum hélt EMD stutt námskeið í Skolen for Moderne Dans í Kaupmannahöfn.  EMD stendur fyrir “Explorations in Music and Dance” og er eitt af samstarfsnetum Listaháskólans innan Nordplus menntaáætlunarinnar.

Alls sjö kennarar og þrjátíu dans- og tónlistarnemendur frá ellefu löndum tóku þátt í námskeiðinu í Kaupmannahöfn sem stóð yfir dagana 4. - 8.nóvember s.l.  Þáttakendur frá Listaháskólanum voru þeir Andres Ramón og Jón Gunnar Biering Margeirsson, nemendur í tónsmíðum á meistarastigi.  Viðfangsefni námskeiðsins var nútímadanskennsla og lifandi tónlist í danskennsluumhverfinu.  Áhersla var lögð á samstarf milli dansara, danskennara og tónlistarmanna.  Dans- og tónlistarnemendum gafst tækifæri til að vinna saman þar sem dansar bjuggu til ákveðnar æfingar og tónlistarmenn sömdu og fluttu tónlist við æfingarnar í kennslutíma.  Námskeiðið í Kaupmannahöfn var eitt það stærsta námskeið sem EMD hefur staðið fyrir til þessa og reiknað er með að því verði fylgt eftir með nýju námskeiði sem haldið verður í Listaháskólanum á vorönn.

Bryndís Snæbjörnsdóttir myndistarmaður heldur hádegisfyrirlestur í Opna listaháskólanum, í húsnæði myndlistardeildar Listaháskóla Íslands Laugarnesvegi 91, mánudaginn 23. nóvember  kl. 12.30.

Bryndís Snæbjörnsdóttir mun fjalla um doktorsverkefni sitt í myndlist “Spaces of Encounter: Art and Revision in Human Animal Relations”, sem hún varði við Gautaborgarháskóla í lok mars síðastliðnum. Listrannsóknarverkefnið samanstendur af þremur listverkefnum sem vinna með ákveðin dýr og dýrahópa til að rannsaka samband mannsins við náttúruna.

Bryndís vinnur í samvinnu við listamanninn Mark Wilson. Listaverk þeirra eru samstarfsverkefni með samfélagslegar áherslur. Þau leitast við að sýna verk sín í mismunandi samhengi til að hafa áhrif á hvernig skilja megi verkin og draga fram ákveðna þætti innan þeirra. Verkin eru innsetningar sem notast við ýmsa miðla m.a. ljósmyndir, myndbönd og hljóð.

Bryndís er prófessor í myndlist við mastersnámið í Valand School of Art í Gautaborg. Hún kenndi áður skúlptúr og umhverfislist við Glasgow School of Art. Verk Bryndísar og Mark hafa verið sýnd víðs vegar um heiminn m.a. í MRIT í Melbourne í Ástralíu, Kalmar Museum í Svíþjóð, CCA og Tramway 2 í Glasgow og nú síðast í tengslum við sýningu Art Catalyst - INTERSPECIES í London.

Arkitektanemar í Listháskóla Íslands bjóða til kynningar á borgarpælingum, tíðbeygðum í nútíð og framtíð, fimmtudaginn 19. nóvember kl. 20.00 í
Hugmyndahúsi háskólanna, Grandagarði 2.

Kynnt verður greining og umræða sem átt hefur sér stað á námskeiði þriðja árs arkitektanema við LHÍ - Hús í borg  2030. Sem undanfari að hönnunarverkefni annarinnar hafa nemendur lagt í margþættan lestur og greiningu á samhengi heimilis og borgar, einkarýmis og samfélags.

Í gegnum þetta ferli hafa þau einangrað ákveðna þætti og eiginleika borgarinnar, greint þá, lesið og uppskorið nýjar spurningar. Þá hafa þau farið til St. Pétursborgar og borið greiningar sínar saman við aðstæður þar í borg, lagst í tilvikaannsóknir, lesið í félagslegar tengingar og dvalarmynstur  og lagt drög að framtíðarsýn með björgunaraðgerðum í verkefninu - (ó)borg, mín borg!   Aðgerð: Reykjavík 2030 -

Nemendur munu deila greiningum sínum og framtíðarsýn með áhugasömum  gestum og vonast er til líflegra umræðna í kjölfarið.

Kennarar námskeiðsins eru Sigrún Birgisdóttir, lektor og fagstjóri í arkitektúr við LHÍ og Hildigunnur Sverrisdóttir, arkitekt og stundakennari.  Fjölmargir fyrirlesarar og gestir hafa komið að námskeiðinu.