Laugardaginn 14. nóvember efna Leikminjasafn Íslands og Listaháskóli Íslands til málstofu um íslenska leiklistarfræði.  Málstofan er haldin í samvinnu við Þjóðminjasafn Íslands og Hugvísindasvið Háskóla Íslands.  Hún verður haldin í fundasal Þjóðminjasafnsins við Suðurgötu og hefst kl. 14.00.  Þar munu eftirtaldir fræðimenn flytja stutt erindi:

Ólafur J. Engilbertsson, sagnfræðingur og leikmyndahöfundur:  „Rétt landslag eða róttæk list?”  - sögunni miðlað á sviðinu.

Ingibjörg Björnsdóttir, listdanskennari: „Ausdruckstanz” á íslensku leiksviði  -  Um dansarann Ellen Kid,

Magnús Þór Þorbergsson, lektor við Leiklistardeild Listaháskóla Íslands, “Hvað eigum við að kalla instructör?” -  Nokkrar hugleiðingar um stöðu leikstjórans í íslensku leikhúsi á 3. áratugi síðustu aldar.

Jón Viðar Jónsson, forstöðumaður Leikminjasafns Íslands: Að dæma eða ekki að dæma.  Hugleiðingar um tilvistarvanda íslenskrar leiklistargagnrýni á fyrri hluta síðustu aldar.

Trausti Ólafsson, leiklistarfræðingur: Nýjársnóttin: Gleðileikur Indriða Einarssonar og íslenskir samtímaviðburðir.

Björn G. Björnsson, leikmyndahöfundur: Hvernig geymist leiklist?

Sveinn Einarsson, stjórnarformaður Leikminjasafn Íslands, setur málstofuna,
Dagný Kristjánsdóttir prófessor stýrir umræðum.

Einleikarakeppni Listaháskóla Íslands og Sinfóníuhljómsveitar Íslands fór fram í Háskólabíói dagana 2. og 3. nóvember 2009.

Ellefu nemendur tóku þátt í keppninni; frá Listaháskólanum, Tónlistarskólanum í Reykjavík, Söngskóla Sigurðar Demetz og Nýja Tónlistarskólanum.

Niðurstaðan var sú að Matthías Sigurðsson, klarínettleikari og Helga Svala Sigurðardóttir, flautuleikari munu leika einleik með Sinfóníuhljómsveitinni þann 14. janúar n.k., en þau eru bæði nemendur Tónlistarskólans í Reykjavík. Matthías lék Konsert nr. 2 í Es dúr, op. 74 eftir Carl Maria von Weber, en Helga Svala lék Konsert fyrir flautu og hljómsveit eftir Jacques Ibert.

Sex manna dómnefnd var einhuga í úrskurði sínum en hana skipuðu Karólína Eiríksdóttir, tónskáld og formaður, Rumon Gamba, hljómsveitarstjóri, Kolbeinn Bjarnason, flautuleikari, Anna Guðný Guðmundsdóttir, píanóleikari, Ólöf Kolbrún Harðardóttir, söngkona og Bryndís Halla Gylfadóttir, sellóleikari.

Listaháskólinn tekur virkan þátt í starfsmanna- og kennaraskiptum innan Erasmus kerfisins.  Frá og með skólaárinu 2008/9 býðst ekki bara kennurum að fá styrk til að kenna við samstarfsskóla LHÍ heldur geta allir starfsmenn sótt um styrki til að kynna sér störf kollega sinna í erlendum samstarfsskólum. Erasmus starfsmanna- og kennarastyrkur hljóðar uppá ferðastyrk að hámarki 1000 EUR auk dagpeninga.

Það sem af er liðið þessa skólaárs hafa nú þegar starfsmenn úr þremur deildum skólans hlotið styrk.  Þetta eru þau Kjartan Ólafsson, tónlistardeild sem fór í kennaraskipti til Det Jyske Musikkkonservatorium í Árósum, Magnús Þór Þorbergsson, leiklistardeild sem fór í kennaraskipti til University of Exter í Bretlandi og deildarfulltrúarnir Hafdís Harðardóttir, hönnunar- og arkitektúrdeild og Helga Pálína Brynjólfsdóttir, myndlistardeild sem fóru í vikuferð til að kynna sér sambærileg störf í samstarfsskólum LHÍ á sviði myndlistar og hönnunar í Kaupmannahöfn og Gautaborg.

Dr Sarah Moss, lektor í enskum bókmenntum, heldur fyrirlesturinn “Eating words: towards a theory of literary food.” Fimmtudaginn 12.nóv. kl.12:15

Dr Sarah Moss, who is based at HI this year, is a novelist and literary
critic with a particular interest in food in literature. She has recently
published a monograph on food and gender in eighteenth and nineteenth
century British fiction and co-authored a short book on the cultural
history of chocolate. She also explores the theme in her Arctic novel,
Cold Earth (Granta, 2009). Sarah will be giving a lecture entitled ‘Eating
Words: towards a theory of literary food.’

The lecture is in english and is open to the public.