Ráðstefna norrænna og baltneskra hönnunar-og listháskóla haldin í Listháskólanum 21-22. janúar.

“Cirrus” nefnast samtök norrænna og baltneskra hönnunar- og listaháskóla .  Í samtökunum eru tuttugu og sex hönnunarskólar í átta löndum.  Listaháskóli Íslands hefur verið virkur þátttakandi í samtökunum alveg frá stofnun skólans.

Fimmtudaginn 21. janúar og föstudaginn 22. janúar var haldinn árlegur fundur kennara frá aðildarskólum Cirrus samtakanna.  Fundurinn var haldinn á vegum Listaháskóla Íslands og komu saman fjörtíu og átta fulltrúar frá nítján hönnunarskólum.  Sérstök viðfangsefni fundarins voru þrjú:  ”Hönnun og jafnrétti”,   “þróun M.A. náms í hönnun” og “hvernig bregst hönnun við efnahagshruni”.

Á fundinum var kynnt  nýtt meistaranám í hagnýtum listum  - hönnun og miðlun - sem til stendur að hleypa af stokkunum við Listaháskóla Íslands, en undanfarin misseri hefur verið unnið að undibúningi þeirrar námsbrautar innan skólans.  Námsbrautin er rökrétt framhald af námsbrautum skólans í hönnun á Bakkalárstigi sem starfræktar hafa verið síðasliðin 10 ár.  Meistaranám í hagnýtum listum - hönnun og miðlun - er mikilvægur áfangi til eflingar rannsókna og þróunar á sífellt fjölbreyttari og öflugri starfsemi hönnunar í íslensku samfélagi.  Þetta á einkum við þær sérstöku aðstæður sem ríkja í íslensku samfélagi þessi misserin.

Jafnframt var rætt um sam-norrænar og sam -evrópskar meistarnámsbrautir í hönnun sem eru í undirbúningi.

Í viðhengi má finna dagskrá fundarins - Dagskrá - Cirrus-Reykjavík 2010.

Senda á Facebook