Landskrifstofa Menntaáætlunar ESB hefur nú valið styrkþega árið 2010 úr stórum hópi umsókna í flokknum Leónardó mannaskipti/starfsmannaskipti.  Verkefni Listaháskólans sem ber heitið “Art and Design in Post-crisis Environment” hlaut styrk uppá liðlega 24.000 evrur en verkefninu er ætlað að koma til móts við nýútskrifaða nemendur skólans á tímum mikilla þrenginga á vinnumarkaði.  Markmið verkefnisins er að styrkja átta-tíu útskrifaða nemendur til starfsnáms í Evrópu.  Í forgangshópi eru þeir sem nú eru án atvinnu.

Á skólaárinu sem leið tóku sjö útskrifaðir nemendur skólans þátt í sams konar verkefni og luku fjögurra til sextán vikna starfsþjálfun í fyrirtækjum af ýmsum toga í Þýskalandi, Bretlandi, Svíþjóð, Belgíu og á Ítalíu.  Starfsreynsla erlendis er ómetanlegt tækifæri fyrir unga hönnuði og listamenn og skiptir sköpun fyrir samfélagið í heild sinni.

Það er skólanum mikil ánægja að geta á ný boðið nýútskrifuðum nemendum uppá Leónardó starfsþjálfunarstyrki.  Styrktímabilið sem um ræðir er 1.júní 2010 - 31.maí 2011.  Nemendur sem óska eftir að nýta sér styrkinn er bent á að hafa samband við Ölmu Ragnarsdóttur alþjóðafulltrúa og verkefnisstjóra í gegnum netfangið alma@lhi.is.

Rektor Listaháskóla Íslands hefur ráðið Steinþór Kára Kárason í stöðu prófessors í arkitektúr frá og með 1. ágúst. Þrettán umsækjendur voru um starfið. Þriggja manna dómnefnd skipuð af stjórn skólans mat átta þeirra hæfa þar af sex “vel hæfa” til að gegna starfinu miðað við starfssvið og skyldur eins og starfið var auglýst af hendi skólans. Dómnefnd skipuðu þau dr. Gunnar Harðarson, Albína Thordarson, og Steve Christer.

Steinþór Kári lagði stundaði nám í arkitektúr við ariktektúrdeild EPFL háskólans í Lausanne í Sviss, þaðan sem hann lauk námi 1998. Á árunum 1995-96 vann hann á hinni víðfrægu vinnustofu Tony Fretton Architects í London. Að námi loknu flutti hann til Íslands þar sem hann hóf störf hjá Studio Granda og vann þar óslitið til 2003. Steinþór Kári flutti þá aftur til London og starfaði sem umsjónararktiekt hjá Tony Fretton um meira en eins árs skeið.

Árið 2004 flutti Steinþór aftur til Íslands og stofnaði ásamt með Ásmundi H. Sturlusyni arkitektastofuna Kurtogpí, ásamt því að taka við stöðu fagstjóra í arkitektúr við Listaháskólann. Steinþór Kári gengdi stöðu fagstjóra til 2006.  Á þeim rúmum fimm árum sem Kurtogpí hefur verið starfandi hafa þeir félagar teiknað og fengið byggðar eftir sig minni og stærri byggingar, tekið þátt í samkeppnum, unnið að sýningarstjórnun og sýningarhönnun, tekið þátt í sýningum og verið virkir í kennslu og umræðu um byggingalist. Meðal nýjustu verka má nefna nýtt húsnæði fyrir i8 Gallery, einbýlishús við Hjálmakur og byggingu Menntaskóla Borgarfjarðar, en fyrir hana hlutu þeir Menningarverðlaun DV og komust í úrslit í AR Awards for Emerging Architecture.

Með ráðningu Steinþórs Kára er í fyrsta sinn ráðið í stöðu prófessors í arkitektúr á Íslandi. Þetta eru því nokkur tímabót, ekki bara fyrir skólann heldur ekki síður fyrir þróun arkitektúrs í landinu.

Dagana 17. maí  - 31. maí stóðu yfir útsendingar frá Netúvarpi tónlistardeildar Listaháskólans en þar voru  sendir út útskrifartónleikar og vortónleikar frá vef LHÍ.

Dagsrkárgerð annaðist Harpa Jóhannsdóttir og Bjarni Biering Margeirsson nemendur í mennt og miðlun og tónsmíðadeild Listaháskólans. Nemendur í Hljóðtækni við Tækniskólann sáu um tæknvinnu.

Útsendingin var á þessari slóð: http://media.vortex.is/syrland.live

Dagskrá þriðjudaginn 18. maí:
Útskriftartónleikar:

Karl Jóhann Bjarnason, selló (diplóma)
Helga Kristbjörg Guðmundsdóttir, harmóníka
Margrét Helga Kristjánsdóttir, messó-sópran

Dagskrá miðvikudaginn 19. maí:
Útskriftartónleikar:

Þorbjörn G. Kolbrúnarson, nýmiðlar
Kári Allansson, orgel
Gunnar Karel Másson, tónsmíðar

Dagskrá fimmtudaginn 20. maí:
Útskriftartónleikar:

Hildur Heimisdóttir, selló
Eyrún Ósk Ingólfsdóttir, sópran
Elva Lind Þorsteinsdóttir, flauta

Dagskrá föstudaginn 21. maí:
Útskriftartónleikar:

Kristín Bergsdóttir, tónsmíðar
Þorsteinn Freyr Sigurðsson, tenór
Kristinn Freyr Kristinsson, gítar

Dagskrá mánudaginn 24. maí:

Útskriftartónleikar
Valdimar Guðmundsson, tónsmíðar
Kristinn Evertsson, tónsmíðar
Sturla Einarsson, tónlistarkennsla
Vortónleikar:
Álfheiður Björgvinsdóttir, píanó
Bergrún Snæbjörnsdóttir, franskt horn
Elín Arnardóttir, píanó

Dagskrá þriðjudaginn 25. maí:
Vortónleikar:
Sigrún Harðardóttir, fiðla
Halldór Sveinsson, píanó
Arve Eriksson, horn
Helga Margrét Marzellíusardóttir, sópran
Jane Ade Sutarjo, píanó
Sturla Einarsson, gítar
Birgir Þórisson, píanó
Chrissie Telma Guðmundsdóttir, fiðla
Ísak Ríkharðsson, fiðla
Erla Axelsdóttir, franskt horn

Dagskrá fimmtudaginn 27. maí:
Útskriftartónleikar:
Örn Eldjárn, kvikmyndatónlist
Þórður Hermannsson, nýmiðlar

Endurfluttir útskriftartónleikar
Þorgerður Edda Hall, selló
Helga Kristbjörg Guðmundsdóttir, harmónikka

Dagskrá föstudaginn 28. maí
Útskriftartónleikar
Matthías Arnalds Stefánsson, nýmiðlar

Endurfluttir útskriftartónleikar
Elva Lind Þorsteinsdóttir, flauta
Eyrún Ósk Ingólfsdóttir, sópran

Dagskrá mánudaginnn 31. maí:
Útskriftartónleikar:
Högni Egilsson, tónsmíðar
Áki Ásgeirsson, MA í tónsmíðum
Páll Ivan Pálsson, MA í tónsmíðum
Andrés Ramón, MA í tónsmíðum

Andrés Ramón, Áki Ásgeirsson og Páll Ivan Pálsson - MA í tónsmíðum

Sunnudaginn 30. maí lauk röð útskriftartónleika tónlistardeildar Listaháskólans en í ár útskrifast tuttugu og fimm nemendur en það er stærsti útskriftarhópur deildarinnar til þessa.

Í ár útskrifast í fyrsta sinn nemendur með MA-gráðu frá tónlistardeild skólans en það eru þrír nemendur sem ljúka meistaragráðu í tónsmíðum. Það eru þeir Andrés Ramón, Áki Ásgeirsson og Páll Ivan Pálsson en þeir héldu útskriftartónleika sína í Sölvhól, tónleikasal Listaháskólans sunnudaginn 30. maí n.k.

Á sunnudaginn kl. 15.00 voru frumflutt verkin 304° fyrir eitt píanó eftir Áka Ásgeirsson og Loret ipsum eftir Pál Ivan Pálsson . Kl. 17.00 voru svo frumflutt verk Andrésar Ramón, Polaroids of Spiritual Landscapes  - í nokkrum stuttum þáttum fyrir kammersveit.

Tónskáldin segja um verkin:

Polaroids of Spiritual Landscapes er verk fyrir kammersveit sem byggir á rannsóknum á kólumbískri þjóðlagatónlist sem Andrés hefur stundað við Listaháskóla Íslands.  Verkið er í nokkrum stuttum þáttum sem endurspegla tónlistararf Kólumbíu, en þar er um að ræða ótalmarga tónlistarstíla og hljóðfæri sem hafa mótast af þeirri einstöku blöndun þriggja menningarheima sem hefur átt sér stað í Kólumbíu og í flestum löndum Suður-Ameríku síðan 1500. Hér er átt við arf suðuramerískra indíána sem og afrískra þræla og evrópskra innflytjenda. Þættirnir í verkinu byggja á fjölbreyttum tónlistarstílum og nota hryn og hljóðfæri úr mismunandi svæðum Kólumbíu, en hljóðfæraskipanin samanstendur af hefðbundnum evrópskum hljóðfærum sem og hljóðfærum úr þjóðlagahefð Kólumbíu.   A.R.

304° fyrir eitt píanó er skrifað fyrir Tinnu Þorsteinsdóttur í apríl 2010. Við gerð verksins notast höfundur við forrit sitt, CRIP, til útfærslu tónefnisins. CRIP forritið var þróað sem hluti af meistaranámi við Listaháskóla Íslands árið 2009-2010.   Á.Á

Loret ipsum - Dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum. P.I.P

Nánari efnisskrá tónleikanna er að finna á: http://lhi.is/2010/04/16/utskriftartonleikar-tonlistardeildar-listahaskola-islands-fra-17-april-30-mai-2010/