Högni Egilsson, tónsmíðar

Laugardagur 29. maí kl.16.00 í Þjóðmenningarhúsi

Laugardaginn 29. maí kl.16.00 heldur Högni Egilsson útskriftartónleika sína í Þjóðmenningarhúsi en hann útskrifast með BA-gráðu í tónsmíðum nú í vor frá tónlistardeild Listaháskóla Íslands.

Á tónleikunum verður frumflutt verkið Án titils, fyrir kammersveit og auk þess verða flutt verkin Laud, fyrir einleiksfiðlu og kammersveit og Án titils - Tilbrigði við Ramifacations eftir G.Ligeti fyrir málmblásturshljóðfæraleikara. Öll eru verkin samin á tímabilinu 2008-2010.

Um verkin segir Högni:

Laud, fyrir einleiksfiðlu og kammersveit er samið sumarið 2009 á sundlaugarbakka á Ítalíu - fyrir tónlistarhátíðina Við djúpið.  Verkið var frumflutt af kammersveitinni Ísafold. 

Án titils, fyrir kammersveit er samið nýlega í Reykjavík í tilefni af útskrift úr Listaháskóla Íslands.

Án titils. Tilbrigði við Ramifacations eftir G.Ligeti fyrir málmblásturshljóðfæraleikara. Verkið er samið í Eistlandi sumarið 2008 fyrir málmblásturshópinn Wonderbrass.

H.E.

Nánari efnisskrá tónleikanna er að finna á: http://lhi.is/2010/04/16/utskriftartonleikar-tonlistardeildar-listahaskola-islands-fra-17-april-30-mai-2010/

Art in Translation
International Conference on Language and the Arts
Norræna húsið 27. maí -29. maí 2010

Á ráðstefnunni um tungumál og listir verður fjallað um hvernig list-umræða handan við mörk tungumála mótar listræna sköpun, viðtöku og túlkun í heimsvæddu umhverfi. Alþjóðlegir fræðimenn, stúdentar, listamenn og fólk úr atvinnulífinu munu kynna og halda erindi á ráðstefnunni um fjölbreytt efni, til dæmis um ritlist á Íslandi, pólitík í rekstri pólskra listasafna, aðferðir við að kenna tónlist frá Balí í Bandaríkjunum og hvernig setja á upp Shakespeare í japönskum listasöfnum.

Opnunar-fyrirlestra flytja rithöfundurinn og þýðandinn Guðbergur Bergsson og finnsku listamennirnir Lea og Pekka Kantonen. Á meðal annarra viðburða má nefna sýningu á myndinni Tales from the Gimli Hospital eftir íslensk-kanadíska kvikmyndagerðarmanninn Guy Maddin og tónleika þar sem lög Billie Holiday verða flutt á norsku. Samhliða ráðstefnunni verður sýningin a book of fragments, sem byggð er á væntanlegri bók eftir Birnu Bjarnardóttur, opin í Norræna húsinu dagana 27. maí til 13. júní.

Ráðstefnan er öllum opin og ókeypis er á alla dagskrárliði hennar nema sýningu á kvikmyndinni. Upplýsingar um skráningu og tímasetningu er að finna á heimasíðu ráðstefnunnar

Sjá nánar dagskrá ráðstefnunnar á heimasíðunni: http://conference.inotherwords.is

Matthías Arnalds Stefánsson, nýmiðlar

Fimmtudagur 27. maí kl. 20.00 í Listasafni Íslands

Fimmtudaginn 27. maí kl. 20.00 heldur Matthías Arnalds útskriftartónleika sína í Listasafni Íslands en hann útskrifast með BA-gráðu í nýmiðlun frá tónlistardeild Listaháskóla Íslands.

Á tónleikunum verður frumflutt verkið New Clear Vision eftir Matthías Arnalds.

Um verkið segir hann: Verkið “New Clear Vision” byggir á yfirtónum og aflmótun á tónum. Verkið er skrifað fyrir fjögur rafhljóðfæri sem eru leidd gegnum tölvu þar sem tónarnir eru tíðnigreindir og aflmótaðir til að styrkja yfirtóna og beygja yfirtónaraðir leiknu nótnanna að hvor annarri. Með þessu móti reyni ég að fanga nýjan hljóðheim þar sem kafað er dýpra í tónana.   M.A.S.

Flytjendur eru: Karlotta Laufey Halldórsdóttir, Sindri Eldon, Lovísa Elísabet Sigrúnardóttir, Skúli Agnarr Einarsson, Ingimundur Guðmundsson, Halldór Eldjárn og Gunnar Jónasson.

—- Nánari efnisskrá tónleikanna er að finna á: http://lhi.is/2010/04/16/utskriftartonleikar-tonlistardeildar-listahaskola-islands-fra-17-april-30-mai-2010/

Laugardaginn 29. maí, kl. 10.00-12.00, verður haldin ráðstefna um tónlistarrannsóknir í Skála, í byggingu Menntavísindasviðs Háskóla Íslands við Stakkahlíð. Umfjöllunarefnið er tónlist og rannsóknir á tónlist.

Píanóleikarinn William Westney og tónlistarheimspekingurinn Cynthia M. Grund flytja erindi um „tónlistarflutning sem rannsóknarferli” en þau eru á Íslandi í boði Háskólans á Bifröst og kenna þar námskeið um fjölháttamiðlun (multimodality) í samhengi tónlistar. Njörður Sigurjónsson, lektor við Háskólann á Bifröst, gerir grein fyrir rannsókn á fagurfræði tónleika og tilbrigði við tónleika sinfóníuhljómsveita; Helga Rut Gudmundsdottir lektor við Menntavísindasvið Háskóla Íslands fjallar um rannsókn sína á þætti foreldra í tónlistarkennslu ungbarna; og Sigrùn Lilja Einarsdottir, doktorsnemi við Exeterháskóla, skýrir frá tónlistarfélagsfræðilegri rannsókn sinni á upplifun og reynslu kórmeðlima í Croydon Bach kórnum í London á flutningi H-moll messu e. J.S. Bach.

Ráðstefnan er samstarfsverkefni Háskólans á Bifröst, Listaháskóla Íslands og Menntavísindasviðs Háskóla Íslands og fer fram á ensku.  Aðgangur er ókeypis og allir velkomnir.

Dagskrá:

William Westney and Cynthia M. Grund:             “Musical Performance as a Process of Inquiry”

Njörður Sigurjónsson:                                                  “The Meaning of the Concert”

Helga Rut Gudmundsdottir:                                      “Musical Parenting in Iceland: A Study with Young Mothers in a Parent-Infant Music Course”

Sigrùn Lilja Einarsdottir:                                            “Bach in Everyday Life and the Experience of Performing ‘Art Music’: The Case of the Croydon Bach Choir in London    Performing Bach´s Mass in B Minor.”

William Westney leikur einnig á tónleikum í Salnum í Kópavogi föstudaginn 28. maí klukkan 19.30.

—–

Research Seminar: Music, Meaning and Method

10:00 a.m., Saturday, May 29, 2010

University of Iceland, Reykjavik. Venue: Skáli.