Kasper Ravnhöj er gestakennari dansbrautar Listaháskólans frá 22. nóvember - 10. desember. Kasper er listrænn stjórnandi hins danska Mute Company ásamt leikaranum Jakop Stage. Mute Company sem stofnað var árið 1999 setur upp tilraunakendar sviðslistasýningar þar sem mörkin milli tónleika, texta leikhúss, sirkús, samtímadans og akróbatíkar eru könnuð. Vinnuaðferðir Mute Company einkennast af stjórnleysi á ýmsum stigum þar sem bæði líkamlegum og hugmyndalegum mörkum er ögrað.

Sýningar Mute Company hafa margar hverjar hlotið hin ýmsu verðlaun, þ.m.t. sýningin “Grasping the floor with the back of my head” frá árinu 2008 sem hlaut fjölmörg alþjóðleg verðlaun og viðurkenningar. Smella má á eftirfarandi link til þess að sjá brot úr sýningunni: http://www.youtube.com/watch?v=FxH7jKG-eSI

http://www.mute-comp.dk

Verkefni sem Embla Vigfúsdóttir og Auður Ösp Guðmundsdóttir unnu saman í Listaháskólanum varð að þeirra fyrstu barnabók, bókinni Loðmar, sem kom út nú á dögunum hjá Sölku bókaútgáfu.

Höfundarnir, Embla Vigfúsdóttir og Auður Ösp Guðmundsdóttir, sáu bæði um texta og myndir, en þær hafa nýlokið námi í Listaháskóla Íslands. Hugmyndin að bókinni Loðmar kviknaði eins og áður segir í námskeiði í Listaháskólanum þar sem þær stöllur fengu það verkefni að vekja athygli á einhverju sem þeim þótti mega betur fara í samfélaginu. Þá langaði þær að vekja athygli á málfarinu og benda á að íslenska er rík af góðum og gildum orðum sem eru ekki í notkun.

Eftir námið fengu Auður Ösp og Embla svo styrk frá Bókmenntasjóði og Rannís til að vinna bókina - en í henni er lögð rækt við íslenska tungu á nýstárlegan og spennandi hátt.

Loðmar er nokkuð sérstakur náungi sem býr á opnu eitt í bókinni. Hingað til hefur hann ekki hætt sér yfir á næstu opnur en honum vex ásmegin þegar lesandi opnar bókina og er til í að kanna hana með honum. Á hverri opnu hittir Loðmar nýja bókbúa; þar á meðal má nefna Lúpa, hjárænulega sundlaugarvörðinn, mannvitsbrekkuna Gnótt og síðast en ekki síst Gímaldið ógurlega. Bókina prýðir orðagnótt ásamt bráðskemmtilegum myndskreytingum og hönnun.

Dr. Árni Heimir Ingólfsson verður með hádegisfyrirlestur á vegum tónlistardeildar LHÍ í Sölvhóli föstudaginn 26. nóvember kl. 12:00-12:45.

Söngvasafnið Melódía og íslenskt tónlistarlíf á 17. öld

Íslenska nótnahandritið Melódía var ritað um 1660 og hefur að geyma yfir 220 lög sem eru einstök heimild um tónlistarlíf á Íslandi á 17. öld. Þótt yfirskrift handritsins sé „Nokkrir útlendir tónar” hefur reynst örðugt að finna frumgerðir laganna. Á síðustu árum hefur þó tekist að finna fyrirmyndir að nokkrum lögum úr Melódíu og þær uppgötvanir bæta ýmsu við vitneskju okkar um íslenskt tónlistarlíf á þessum tíma. Í fyrirlestri sínum rekur Árni Heimir sögu nokkurra laga úr Melódíu sem eiga uppruna sinn á óvæntum stöðum sunnar í álfunni, í spænskum, frönskum, þýskum og ítölskum söngbókum sem greinilega ferðuðust víðar en nokkurn hefði grunað.

Árni Heimir Ingólfsson stundaði píanónám hjá Jónasi Ingimundarsyni við Tónlistarskólann í Reykjavík og hjá Lydiu Frumkin við Oberlin Conservatory of Music. Hann lauk þaðan BMus-prófi í píanóleik og tónlistarsögu árið 1997, MA-prófi í tónvísindum frá Harvard-háskóla 1999 og doktorsprófi frá sama skóla 2003. Árni Heimir hefur komið fram á fjölda tónleika í Evrópu og Bandaríkjunum, ritað greinar um tónlist m.a. fyrir Skírni, Griplu og New Grove Dictionary of Music and Musicians, haldið fyrirlestra um íslenska tónlist víða um heim og gegnt rannsóknastöðum við háskólana í Oxford og Boston.

Árni Heimir stofnaði Kammerkórinn Carmina árið 2004 og hefur stjórnað honum á fjölda tónleika á Íslandi, í Svíþjóð, Frakklandi og Þýskalandi, og á tveimur hljómdiskum, m.a. Melódíu sem vann Íslensku tónlistarverðlaunin 2008 og var einn af diskum mánaðarins hjá tímaritinu Gramophone. Hann er einnig höfundur bókarinnar Jón Leifs - Líf í tónum (Mál og menning, 2009) sem var tilnefnd til Íslensku bókmenntaverðlaunanna 2009. Árni Heimir var dósent í tónlistarfræðum við Listaháskóla Íslands 2005-2007 og hefur síðan gegnt stöðu tónlistarstjóra Sinfóníuhljómsveitar Íslands. Hann vinnur nú að bók um tónlist í íslenskum handritum frá 1450-1750.

Aðgangur er ókeypis og eru allir velkomnir.

Making the invisible visible -Fyrirlestur hollenska myndlistarmannsins og hönnuðarins Beer van Geer í Opna Listaháskólanum miðvikudaginn 1. desember kl.12.05 í stofu 113, Skipholti 1

Combining elements of computer technology, theory, narrative and visual art, Beer van Geer (b.1987) designs systems to explore and explain the human world. His projects range from building interactive video guiding installations to experimental brainwave interfaces. In 2009 he finished his Masters in the Art of Digital Media Design and he is now working as a freelancer under the name Universal-Mediaman, binding all kinds of media to generate new intuitive systems and visual art. Besides working for his one-man company Universal-Mediaman he is active in the new media collective Teletekst is Dood and art institutions like <TAG> & TodaysArt, all based in Holland.

The lecture “making the invisible visible” is telling a story about one of his latest projects called project Dagaz. Dagaz is an application that helps the Mindset (a neurofeedback device) user to train their meditation level through a new intuitive game experience. The application makes use of mandala shapes, generated by the user’s mind. Mandala shapes are symmetrical shapes used in many cultures and almost every religion. The shapes are used for different purposes, for example as a meditation tool, part of religious architecture, and even as a therapeutic tool for mentally disabled or mentally ill. Every mandala is created around a central point. Dagaz (which means ‘point’ in the ancient Futhark alphabet) uses that central point to help users train their meditation skills.

The lecture is in english and is open to the public.

http://www.universalmediaman.nl
http://www.projectdagaz.com
http://www.teletekstisdood.com
http://www.todaysart.nl
http://www.tag004.nl