Síðasta málstofa meistaranema listkennsludeildar LHÍ á þessu vori verður laugardaginn 30. apríl kl.16:30 í gömlu Rafstöðinni Elliðaárdal.
Hluti af meistaraverkinu er Rafmagnað dansverk og verður það sýnt kl: 16:30 og kl.18:00

Í tilefni af Alþjóðlega dansdeginum 29.apríl var um 150 grunnskólanemendum boðið á sýningu á verkinu en markmið dagsins er að auka sýnileika dansins í samfélagi okkar, sýna fram á mikilvægi hans og hvetja stjórnvöld til þess að veita dansinum þann stuðning sem honum ber á öllum stigum skólakerfisins.

Þess má geta að höfundur verksins Irma Gunnarsdóttir er fyrsti meistaraneminn í dansi við listkennsludeild Listaháskóla Íslands.

Danshöfundur: Irma Gunnarsdóttir
Höfundur tónlistar: Kristinn Evertsson
Dansarar: Arna Sif Gunnarsdóttir, Arndís Benediktsdóttir,
Gerður Guðjónsdóttir og Una Björg Bjarnadóttir.
Lifandi tónlist: Kristinn Evertsson og Örn Eldjárn.
Kl.16:30 – 17:30 Sýning ásamt LHÍ málstofu.
Kl. 18:00 – 18:30 Opin sýning

Nánari upplýsingar veitir Kristín Valsdóttir Deildarforseti listkennsludeildar í síma: 696 0967

Hreyfiaflið verður virkjað í Listasafni Reykjavíkur, fjölnotasal laugardaginn 30. apríl næstkomandi frá kl 10.00. Á Hreyfiaflsfundinum gefst tækifæri til að kynnast fjölbreyttum viðfangsefnum kennara deildarinnar og sýnd verða dæmi um tengsl fræða og skapandi lista. Allir velkomnir!

Verið velkomin á málstofu útskriftarnema meistaranámsbrautar í tónsmíðum, sem haldin verður í Sölvhóli miðvikudaginn 27. apríl kl. 12.30-14.

Að þessu sinni útskriftast tveir meistaranemar af námsbrautinni, þeir Baldur Jóhann Baldursson og Kristján Guðjónsson. Þeir munu fjalla um rannsóknarverkefni sín og skýra frá sköpunarferlinu yfir tveggja ára námstíma. Verkefni þeirra eru afar ólík, en þau tengjast annars vegar tölvuleikjum og hinsvegar hljómfræði. Í kjölfar erinda þeirra er hvatt til spurninga úr sal.

Vala Gestsdóttir, tónsmíðar

Laugardagur 30. apríl  kl.17.00

Þjóðmenningarhúsið

Laugardaginn 30. apríl kl. 17.00 heldur Vala Gestsdóttir útskriftartónleika sína í Þjóðmenningarhúsinu en hún útskrifast með BA gráðu í tónsmíðum frá tónlistardeild Listaháskólans í vor.

Á tónleikunum verður frumflutt verkið, Völuspá í tónmáli  - tónverk fyrir einsöngvara, kór og hljómsveit í þremur samtengdum köflum sem lýsa sköpun heimsins, ragnarökum og endurrisi jarðar, við texta Þórarins Eldjárns. Einnig verða flutt verkin Vertu hér, Betty Boop, Strengjarinn og Brassarinn og Sestu-Dansaðu-Vertu.

Einsöngarvarar á tónleikunum eru Sólveig Samúelsdóttir messó-sópran, Hafsteinn Þórólfsson, baríton og Þórunn Antonía Magnúsdóttir. Stjórnandi á tónleikunum er Úlfar Ingi Haraldsson.

—

Nú í vor útskrifar tónlistardeild Listaháskóla Íslands tuttugu og tvo nemendur flesta með bakkalárgráðu en einnig með meistargráðu og diplómapróf. Útskriftartónleikarnir eru í það heila nítján og standa til 20. maí n.k. Þar verða m.a. flutt ný verk eftir tónsmíðanemendur auk þess sem fram koma einleikarar á fiðlu, horn og tvær söngkonur. Þá verðar tveir fræðifyrirlestrar með tónleikaívafi.

Nánari dagskrá tónleikanna er að finna á: http://lhi.is/2011/04/04/utskriftartonleikar-tonlistardeildar-listahaskola-islands-19/