Tamara Jurkić Sviben frá Króatíu - Fyrirlestur og píanótónleikar mánudaginn 5. september kl.19.00 í tónlistardeild Listaháskólans, Sölvhóli.

Tamara Jurkić Sviben píanóleikari og kennari frá  Króatíu heldur fyrirlestur og tónleika með verkum króatíska kventóskálda. Tamara er ein þekktasti tónlistarmaður í heimalandi sínu, auk þess sem efur hún komið fram víða í Evrópu og Indlandi.

Efnisskrá:

Dora Pejačević (1885.-1923.)

Ljubica/Violet

Ruža/Rose

Ivana Lang (1912.-1982.)4 Kompozicije op.50/4 Piano pieces op.50

Dječja igra/Child’s play

Valcer/Waltz

Tajanstvenim koracima/With misterious steps

Toccata

Đeni Dekleva Radaković (1949.)

Metamorfoza/Metamorfose

Olja Jelaska (1967.)

Na putu prema Sionu/On the way to Zion

Viktorija Čop (1979.)

Makapaka

Sanja Drakulić (1963.)

Drive

Aðgangur er ókeypis - allir velkomnir!

Cultural Industry and Politics in Iceland and Czech Republic - ráðstefna í myndlistardeild Listaháskólans

Þann 30. ágúst n.k. var haldin eins dags ráðstefnu á vegum nokkurra nemenda í myndlistardeild Listaháskólans. Tilefnið var koma sjö ungra listamanna og sýningarstjóra frá Prag til Reykjavíkur til fundar við íslenska myndlistarnema en saman munu þessir hópar setja upp sýningu í Prag í lok október.

Verkefnið, sem er samstarfsverkefni Kaffistofu nemendagallerís myndlistardeildar og K4 gallerís í Prag ber heitið InterMost og hlaut styrk frá Evrópusambandinu fyrr á þessu ári. Styrkurinn kemur úr sjóði er nefnist EEA/Norwegian Financial Mechanism Scholarship Fund en markmið sjóðsins er að efla samstarf menntastofnana í austur evrópu við EFTA ríkin Noreg, Ísland og Lichtenstein.

Ráðstefnan var haldin í húskakynnum myndlistardeildar í Laugarnesi og fór fram í tveimur hlutum, frá 9.00-12.00 og frá 13.00-16.00.

Umfjöllunarefnið var  “Cultural Industry and Politics in Iceland and Czech Republic” og meðal fyrirlesara voru Halldór Björn Runólfsson safnstjóri Listasafns Íslands og Tinna Grétarsdóttir mannfræðingur.

Þessa viku munu nokkrir þeirra listamanna og hópa sem sýna verk sín á sviðslistahátíðunum Lókal og Reykjavik Dance Festival kynna vinnu sína í leiklistar- og dansdeild Listaháskólans. Sýningar á báðum hátíðum verða áberandi næstu tvær vikurnar, en alþjóðlega leiklistarhátíðin Lókal stendur yfir 1.-4. september og í kjölfarið mun danshátíðin Reykjavik Dance Festival taka við og standa yfir 5.-11. september. Á báðum hátíðum gefst kærkomið tækifæri til að upplifa ferska strauma, nýjar leiðir og tilraunamennsku í sviðslistum, en sýningar á þeim eru bæði innlendar og erlendar auk fjölþjóðlegra samstarfsverkefna.

Frá mánudegi 29. ágúst til föstudagsins 2. september stendur leiklistar- og dansdeild Listaháskólans í samstarfi við báðar hátíðir fyrir listamannaspjalli með völdum hópum af hátíðunum.

Kynningarnar fara fram í Sölvhóli, Sölvhólsgötu 13 kl. 16.00-17.00 alla dagana, allir eru velkomnir og aðgangur er ókeypis.

Dagskráin er sem hér segir:

Mán. 29.8. Magnadottir, Olafson, MacPherson & Einarsson: The Island (Lókal)

Þri. 30.8. Samsuðan & Co: What a Feeling! (RDF)

Mið. 31.8. 2boys.tv: Phobophilia (Lókal)

Fim. 1.9. Oblivia: Entertainment Island 1, 2, 3 - the Trilogy (Lókal)

Fös. 2.9. Raven: COURT 0.9144m (RDF)

Nánari upplýsingar um hátíðirnar, listamennina og sýningarnar má finna á vefsíðum hátíðanna: lokal.is og reykjavikdancefestival.is

Sarah Wigglesworth arkitekt mun fjalla um manngert umhverfi fyrir viðburði daglegs lífs í Fyrirlestraröð Hönnunarmiðstöðvar, Listaháskólans og Listasafns Reykjavíkur, þriðjudaginn 30. ágúst klukkan 20.00 í Hafnarhúsi Listasafns Reykjavíkur.

Sarah Wigglesworth arkitekt mun tala um áhuga stofunnar á að skapa merkingarbært sjálfbært umhverfi fyrir viðburði daglegs lífs. Verkefni stofunnar, sem eru nánast eingöngu á opinberum vettvangi fyrir ýmsa samfélagshópa, sveitarfélög og góðgerðasamtök, miða öll að sértækri rannsóknarvinnu og eru hönnuð sérstaklega fyrir hvern notendahóp. Rauði þráðurinn fjallar um skuldbindingu um samstarf við þá sem munu nota rýmið eða nýta sér verkefnið og rannsókn á því hvað sjálfbært manngert umhverfi felur í sér.

Sarah Wigglesworth hóf rekstur arkitektastofu í London árið 1994 eftir áralanga vinnu hjá stórum sem smáum fyrirtækjum á ýmsum sviðum, bæði í Bretlandi og Bandaríkjunum. Árið 1998 var hún nefnd af Sunday Times sem “ein þriggja arkitekta úr hundrað manna hópi sem væri líklegust til að hafa áhrif á arktiektúrfagið á næstu tíu árum”. Verk hennar hafa verið sýnd alþjóðlega og hún hefur haldið fyrirlestra um allan heim. Störf hennar miða einnig að því að auka áhrif kvenna í mótun manngerðs umhverfis, sem viðskiptavinir, notendur og sem arkitektar. Verk Söruh Wigglesworth hafa haft mikil áhrif á breskan arkitektúr og árið 2004 hlaut hún MBE verðlaunin fyrir þjónustu við arkitektúr. Sarah er prófessor í arkitektúr við Háskólann í Sheffield á Englandi.

Aðgangur er ókeypis.

Verið velkomin!