Flest Nordplus netanna bjóða nú uppá express stúdentaskiptastyrki.  Styrkurinn er hugsaður fyrir styttri ferðir nemenda sem tengjast samstarfsverkefnum skólanna eða sérstökum námskeiðum.  Styrkurinn hljóðar uppá 660 evrur í ferðastyrk frá Íslandi og 70 evrur í staðaruppbót að auki fyrir hverja viku.  Miðað er við að lengd dvalar sé 1-4 vikur.

Athygli skal vakin á því að KUNO, samstarfsnet myndlistarháskóla býður uppá sérstök Kuno Express námskeið.  Tilkynningar um þessi námskeið eru bæði birtar í deildarfréttum og sendar til nemenda myndlistardeildar í tölvupósti.  Sjá nánar um Kuno express námskeið á vefsíðu KUNO.

Umsóknareyðublað fyrir Kuno Express námskeið.  Þetta eyðublað skal fylla út eftir að jákvætt svar um sæti á Kuno Express námskeiði hefur borist frá gestaskóla.  Eyðublaðinu skal skila inn til alþjóðafulltrúa LHÍ eftir að umsjónarkennari hefur samþykkt umsóknina með undirskrift.  Notið hástafi og skýra prentstafi - sérstaklega í reiti er varða bankaupplýsingar.  Annað getur tafið fyrir afgreiðslu styrksins.

Þeir nemendur sem vilja kynna sér frekar möguleikana á Nordplus express styrkjum geta sent fyrirspurn til alþjóðafulltrúa LHÍ.