Námsbrautastyrkir (joint study programmes/JSP) eru styrkir sem veittir eru til sameiginlegrar þróunar námsbrauta í skólum.  Hæg er að sækja um styrk að hámarki til þriggja ára en jafnframt þarf að sækja um árlega.

Sameiginlegar námsbrautir (JSP) eru skilgreindar á eftirfarandi hátt:

-námsbraut skal samsvara fullu námi miðað við háskólalög

-námsbraut skal ljúka með prófi/prófgráðu skvt. reglum háskólalaga

-útskriftarskírteini með skírteinisviðauka (Diploma Supplement) skal gefa út í samræmi við háskólalög

-stúdentaskipti skulu vera hluti af skyldueiningum náms og minnst 30 einingar en skulu þó eigi vara lengur en sem nemur helmingi námstíma hvers nemanda

-námið skal vera samvinna skólanna þriggja og öll þróun þess unnin í samvinnu og með samþykki þáttakandi skóla

-samstarfið skal taka mið af undirrituðum samningi á milli þáttakandi skóla þar sem fram kemur markmið náms og hlutverk og skyldur hvers aðila fyrir sig.

-vinnuálag skal dreifast á alla þáttakandi aðila/skóla miðað við skiptingu námskeiðahalds

Hámark styrkveitingar er 50% af heildarkostnaði. Hægt er að lesa nánar um gerð umsóknar og fjármál í handbók um Nordplus á heimasíðu Alþjóðaskrifstofu Háskólastigsins.