Um fjaraðganginn 

Nemendur LHÍ geta fengið fjaraðgang að staðarneti skólans í gegnum sk. sýndarnet (e.proxy) sem hver og einn þarf þá að setja upp aðgangstillingar að, í Firefox vafra, í sinni tölvu. 
Með þessu geta notendur skoðað greinar í séráskriftum bókasafnsins sem annars eru einungis aðgengileg á tölvum á staðarneti skólans.

Starfsmenn hafa aðgang að VPN tengingu og hér má finna leiðbeiningar fyrir þann aðgang.

Leiðbeiningar fyrir uppsetningu fjaraðgangs

Við mælum með að nota Firefox vafrann eingöngu fyrir fjaraðgang að gagnasöfnum sem LHÍ hefur aðgang að. Hægt er að stilla Firefox vafrann til að nota fjaraðganginn og það hefur þá ekki áhrif á aðra netumferð.  Proxy þjónn LHÍ veitir eingöngu aðgang að þeim síðum sem fjaraðgangurinn krefst en lokar á aðra umferð. Það þýðir að ef stillingarnar eru settar á nettengingar í heild þarf að taka stillingarnar af til að komast um á netinu. Firefox er einn af fáum vöfrum sem gefa kost á að stilla fjaraðgang eingöngu fyrir þann vafra.

  1. Opnið Firefox vafrann, setjið hann upp ef hann er ekki til staðar á tölvunni (hér er tengill á nýjustu útgáfu af vafranum á íslensku).
  2. Í Firefox vafranum: Veljið Settings / Manage more settings / General / Network Settings.
  3. Neðst i glugganum sem opnast eru stillingar fyrir net milliþjón.
  4. Skráið inn stillingarnar eins og sýnt er hér fyrir neðan.

proxy.jpeg

Næst þegar þið opnið síðu í Firefox spyr vafrinn um notandanafn, sem er fullt netfang  og lykilorð. Munið að haka við að vista lykilorðið.
Ef frekari aðstoðar er þörf má senda póst til verk [at] hjalp.lhi.is

Séráskriftir bókasafns Listaháskóla Íslands

IPA Source

International Phonetic Alphabet transcriptions and literal translation of opera arias and art song texts. Stærsta alþjóðlega hljóðritunarkerfið fyrir texta úr óperuaríum og sönglögum og inniheldur nú yfir 5000 texta.

JSTOR 

Þverfaglegt gagnasafn allra efnissviða. Mikið efni um tónlist.
 

ProQuest gagnagrunnur í séráskrift LHÍ:

Performing Arts Periodicals Database 

(Áður: International Index to Performing Arts): Gagnasafn á sviði leiklistar, sviðslistar, danslistar og kvikmynda.