Skólagjöld
Skólagjöld hækka um 7,3% milli ára, í samræmi við hækkun neysluvísitölu s.l. 12 mánuði (frá febrúar 2009 - febrúar 2010), og verða kr. 343.360 fyrir skólaárið 2010-2011.
Eingreiðsla fyrir nemendur í leyfi er kr. 45.000.
Skólagjöld greiðast í tvennu lagi með gjalddögum í ágúst og febrúar. Nemendur fá heimsenda greiðsluseðla sem þeir borga í banka. Hafi nemendur ekki greitt skólagjöld 20 dögum eftir gjalddaga er lokað fyrir aðgengi þeirra að húsnæði skólans og skólanúmer þeirra gert óvirkt.
Nemendum er bent á að upphæð skólagjalda getur hækkað á milli ára.
Nám í Listaháskóla Íslands er lánshæft. Tengiliður við Lánasjóð Íslands er forstöðumaður háskólaskrifstofu.
