Fræðafólk, listamenn, hönnuðir og aðrir sem starfa á sviði lista og menningar eru hvattir til að notfæra sér fjölbreyttar aðferðir og miðla til að finna framlagi sínu viðeigandi umgjörð, s.s. sýningar, vinnusmiðjur, flutning í rauntíma, lengri málstofur, styttri málstofur (Pecha Kucha), kynningar á verkum í vinnslu, hringaborðsumræður, samtalsform, gjörningar eða annað.

  • Styttri málstofur (Pecha Kucha): 1,5 klst (5-8 þátttakendur, 7-10 mín á mann)
  • Lengri málstofur: 1,5-2 klst (3-4 þátttkendur, 30 mín á mann)
  • Hringaborðsumræður: 60 mín 
  • Stök erindi: 30 mín 
  • Vinnusmiðjur: 60 mín 
  • Sýning/flutningur: allur dagurinn, auk stuttrar kynningar (kjallari, fyrirlestrasalir, kennslustofur og Gallerí 105 í húsnæði skólans að Þverholti 11 er til umráða)
  • Verk í vinnslu: 30 mín eða 60 mín
  • Annað: tilgreinið hvort þið viljið 30 mín eða 60 mín pláss í dagskrá

Í ár vill ráðstefnunefndin kalla sérstaklega eftir tillögum tengdum hugtakinu hliðrun, þótt dagskrá ráðstefnunnar muni ekki takmarkast við það viðfangsefni. Skilyrði er nú sem fyrr að tillögur tengist rannsóknum á sviði lista á einn eða annan hátt. 

Tillögur skulu innihalda nafn, starfstitil og netföng þátttakenda, ásamt lýsingu sem ekki er lengri en 300 orð, og sendast á netfangið olofg [at] lhi.is  

Frestur til að senda inn tillögur er 12. desember. Innsendum tillögum verður svarað 12. janúar 2015. 

Ekkert skráningargjald er á ráðstefnuna og ekkert fjármagn er til framleiðslu eða uppsetningar verka.

Ráðstefnunefnd: Bryndís Björgvinsdóttir, aðjúnkt og fagstjóri hönnunar- og arktiektúrdeildHulda Stefánsdóttir, prófessor og fagstjóri myndlistardeildÓlöf Gerður Sigfúsdóttir, forstöðumaður rannsóknaþjónustu