Að sögn Dóru Haraldsdóttur, formanns nemendaráðs, er aðbúnaði í skólanum verulega ábótavant. Ekki er hægt að taka við fötluðum nemendum í öllum deildum en það er brot á jafnrétti til náms. Auk þess sem loftræstingu, hita og hljóðeinangrum er ábótavant.
Um tvö ár eru síðan nemendur og kennarar sviðslist- og tónlistardeildar vöktu athygli á húsnæðisvanda deildanna og stóðu fyrir mótmælum í menntamálaráðuneytinu. Sjá frétt .
Kæri Illugi Gunnarsson, menntamálaráðherra.
Við teljum listir gegna mikilvægu hlutverki í samfélaginu og meðal annars þess vegna kusum við framhaldsmenntun á listasviðinu. Við erum hugsandi einstaklingar samankomnir til að fjárfesta í sjálfum okkur, framtíð okkar og samfélagsins. Okkur er annt um námið okkar. Fréttir af boðuðum niðurskurði til skólans leggjast því illa í okkur. Sérstaklega að dreginn sé til baka húsnæðisstyrkur til skólans.
Frá stofnun skólans hefur húsnæðisvandinn verið hans stærsti vandi og hefur skapað margvíslegar flækjur og takmarkanir á starfinu. Meðal vankanta má telja:
Skólinn var stofnaður með það að sjónarmiði að vera skóli allra listagreina og hafa þannig sérstöðu. Klofinn húsakostur hamlar hinsvegar samstarfi milli deilda. Mikil samskipti hafa farið fram á milli skólans og stjórnvalda um málið en ekki hefur fengist fjármagn til að ljúka við skýrslu sem gerð var. Uppbygging sameinaðs skóla getur því ekki hafist.
Það er ljóst að boðaður niðurskurður mun bitna illa á starfi skólans og óskum við því eftir úrlausnum.
Nemendur Listaháskólans læra að hugsa í lausnum, að hugsa í nýjum leiðum, hugsa út fyrir rammann og settar reglur, horfa gagnrýnum augum og að rýna til gagns, vera sjálfstæð, sýna frumkvæði og gefa af sér. Þess vegna langar okkur að bjóða þér til samtals þar sem við getum í sameiningu hugsað lausnamiðað um framtíð Listaháskólans.
Fyrir hönd nemenda skólans bjóðum við þér, sem menntamálaráðherra, listunnanda og píanóleikara, að koma og kynna þér húsakost og aðbúnað nemenda skólans og leita með okkur lausna.
Virðingarfyllst, fyrir hönd nemenda Listaháskóla Íslands:
Nemendaráð Listaháskóla Íslands
Dóra Haraldsdóttir, hönnunar-og arkitektúrdeild
Andrea Elín Vilhjálmsdóttir, sviðslistadeild
Katrín Helena Jónsdóttir, myndlistardeild
Ragnheiður Erla Björnsdóttir, tónlistardeild
Erla Steinþórsdóttir, listkennsludeild