Skrásetningargjald
Frá og með hausti 2024 greiða nemendur við Listaháskóla Íslands ekki skólagjöld, en árlegt skrásetningargjald við skólann er kr. 75.000 (kr. 55.000 ef sótt er um innritun á vormisseri).
Niðurfelling skólagjalda á við um alla nemendur sem hefja nám haustið 2024 eða fyrr óháð ríkisfangi og gildir út áætlaðan námstíma þeirra. Aðrar reglur um skólagjöld geta komið til með að gilda fyrir umsækjendur með ríkisfang utan ESB, EES og Sviss sem hefja nám 2025 og síðar. Fyrir nánari upplýsingar vinsamlegast hafið samband við lhi [at] lhi.is.
Greiðsla skrásetningargjalds
Nýnemar sem innritaðir eru til náms sem hefst á haustmisseri geta gengið frá greiðslu skrásetningargjalds, kr. 75.000, í samskiptagátt skólans. Eindagi skrásetningargjalds nýnema er mismunandi eftir deildum. Eftir eindaga fellur vilyrði um skólavist niður. Skrásetningargjaldið er óendurkræft.
Námsleyfi
Nemendur í námsleyfi greiða fullt skrásetningargjald.
Annar kostnaður
Nemendur skulu ávallt gera ráð fyrir efnis- og bókakaupum. Jafnframt skal reikna með prentkostnaði.
Eindagi skrásetningargjalds við LHÍ fyrir aðra en nýnema
- 20. júní fyrir háskólanám sem hefst að hausti.
- 20. desember fyrir háskólanám sem hefst að vori.