Listaháskólinn tekur virkan þátt í alþjóðlegu samstarfi. Skólinn er aðili að tveimur viðamiklum samskiptaáætlunum, Nordplus menntaáætlun Norðurlandaráðs og Menntaáætlun Evrópusambandsins. Báðar þessar áætlanir byggjast á kennara- og nemendaskiptum auk annarra samvinnuverkefna. Menntaáætlun Evrópusambandsins skiptist niður í 6 áætlanir en Listaháskólinn sækir árlega styrki í tvær þeirra, Erasmus og Leonardo. Listaháskólinn hefur gert tvíhliða samning við yfir 100 háskóla í Evrópu á vegum Erasmus LLP menntaáætlunarinnar en þar fyrir utan eru samstarfsskólar á Norðurlöndunum og í Eystrasaltsríkjunum alls 90 talsins.
Nemendur, kennarar og annað starfsfólk geta sótt um styrki gegnum menntaáætlanirnar. Alþjóðafulltrúi LHÍ leggur áherslu á að aðstoða nemendur við að sækja um sem skiptinemar í erlendum samstarfsskólum í eina önn. Í upphafi hverrar annar eru haldnir kynningarfundir í hverri deild um þá möguleika sem stendur nemendum til boða, umsóknarferli o.fl. Einnig aðstoðar alþjóðafulltrúi starfsfólk og kennara sem sækja um styrki til starfs- og kennaraskipta.
Listaháskólinn tekur einnig virkan þátt í eftirtöldum samtökum og samstarfsnetum:
ELIA samtök listaháskóla í Evrópu
AEC samtök Evrópskra tónlistarháskóla
Cumulus alþjóðleg samtök hönnunarháskóla
EAAE samstarfsnet háskóla í Evrópu á sviði arkitektúrs
PARADOX samtök háskóla í Evrópu á sviði sjónlista
E:UTSA samtök sviðslistaskóla í Evrópu
Alþjóðafulltrúi Listaháskólans er: Alma Ragnarsdóttir, s. 545 2205
Alþjóðafulltrúi hefur yfirumsjón með alþjóðasamskiptum Listaháskólans, nemenda- og kennaraskiptum.
Viðtalstími er frá kl.10.00-14.00 alla virka daga.
Auk þess hefur alþjóðafulltrúi fasta viðveru í tónlistardeild
fyrsta þriðjudag hvers mánaðar frá kl.10.00 - 14.00 og í myndlistardeild
fyrsta miðvikudag hvers mánaðar frá 10.00-14.00.
