UMSÓKN UM NÁM Í LEIKLISTAR- & DANSDEILD
Í leiklistar- og dansdeild eru nemendur teknir inn annað hvert ár á námsbrautirnar leikarabraut, dansbraut, og fræði og framkvæmd.
Umsóknarfrestur fyrir skólaárið 2012-2013 er liðinn. Næst verður tekið inn í leiklistar- og dansdeild veturinn 2014-15.
Rafræn umsókn í leiklistar- og dansdeild
DANSBRAUT
INNTÖKUFERLI
Skilyrði er að nemendur hafi lokið stúdentsprófi og framhaldsstigi í dansi eða sambærilegu námi. Inntökunefnd velur úr hópi umsækjenda, en auk mats á umsóknum með tilliti til formlegra skilyrða byggir valið á verklegu inntökuprófi og viðtölum:
- þrep, sem allir þreyta. Úr því er valið í:
- þrep, sem samanstendur af verklegum þáttum, viðtali og mati á möppu.
Að því loknu fá allt að 8 einstaklingar boð um skólavist.
INNTÖKUPRÓF:
10. apríl 2012
11. apríl 2012
UMSÓKNIN
Umsækjendur um dansnámið skulu safna sýnishornum af verkum sínum saman í möppu (portfólíó) sem þeir senda inn með umsókn um námið. Mappan skal innihalda ekki færri en fimm sýnishorn og ekki fleiri en tíu, sem eiga að endurspegla persónuleika nemandans, varpa Ijósi á helstu hugðarefni hans og úr þeim á að vera hægt að lesa hvaða hæfileika hann hefur til frumlegrar sköpunar og framsetningar á hugmyndum sínum. Í raun rúmast allt innan möppunnar sem að mati nemandans getur með einum eða öðrum hætti lýst því sem hann vill ná fram með vinnu sinni á viðkomandi sviði og getur vitnað til um hvort hann hefur hæfileika til að koma því á framfæri við aðra.
Nánari upplýsingar: Sveinbjörg Þórhallsdóttir, fagstjóri
FRÆÐI OG FRAMKVÆMD
INNTÖKUFERLI
Skilyrði er að nemendur hafi stúdentspróf eða sambærilega menntun. Þeir sem ekki hafa stúdentspróf þurfa að tilgreina það nám sem þeir telja sambærilegt. Annað listnám en leiklistarnám er tekið til greina þegar umsókn er metin. Sérskipuð inntökunefnd velur umsækjendur úr hópnum og er þeim boðið í viðtöl og inntökupróf. Prófin samanstanda af verklegum og skriflegum æfingum. Að þessu loknu fá allt að 10 einstaklingar boð um skólavist.
Inntökupróf fyrir Fræði og framkvæmd:
19. apríl 2012
20. apríl 2012
21. apríl 2012
22. apríl 2012
UMSÓKNIN
Umsækjendur í Fræði og framkvæmd skulu safna sýnishornum af verkum sínum saman i möppu (portfólíó) sem þeir senda inn með umsókn um námið. Mappan skal innihalda ekki fleiri en fimm sýnishorn, sem eiga að endurspegla persónuleika nemandans, varpa ljósi á helstu hugðarefni hans og úr þeim á að vera hægt að lesa hvaða hæfileika hann hefur til frumlegrar sköpunar og framsetningar á hugmyndum sínum. Í raun rúmast allt innan möppunnar sem að mati nemandans sjálfs getur með einum eða öðrum hætti lýst því sem hann vill ná fram með vinnu sinni á viðkomandi sviði og getur vitnað til um hvort hann hefur hæfileika til að koma því á framfæri við aðra. Sem dæmi um innihald möppunar eru: ritgerðir, ljóð, sögur, stuttmyndir, leik- eða kvikmyndahandrit og upptökur af verkum.
Nánari upplýsingar: Magnús Þór Þorbergsson, lektor í leiklistarfræðum og fagstjóri
INNTÖKUFERLI
Við inntöku í leikaranámið er skipuð sérstök inntökunefnd sem velur nemendur úr hópi umsækjenda, valið byggir á inntökuprófi og viðtölum. Ferlið er eftirfarandi:
- Mat á umsóknum með tilliti til formlegra skilyrða
- Inntökupróf 1. þrep (skipt í hópa, 1/2 dagur hver hópur)
- Inntökupróf 2. þrep úrtakshópar (1/2 dagur hver hópur)
- Inntökupróf 3. þrep, úrtakshópur (3 dagar)
Umsækjendur skulu undirbúa 3 verkefni sem samanlagt mega ekki taka meira en 6 mínútur í flutningi. Tvö þeirra skulu vera eintöl. Annað eintalið skal vera í bundnu máli (leiktexti, ekki ljóð). Hitt eintalið skal vera leiktexti í óbundnu máli. Þriðja verkefnið skal vera eintal, atriði eða gjörningur, sem umsækjandi telur að endurspegli hann og hans hugðarefni. Þessi þáttur má taka það form sem umsækjandi telur við hæfi. Við undirbúning er umsækjendum bent á að velta fyrir sér þeim þáttum sem dómnefnd hefur til viðmiðunar um mat á framlagi þeirra. Áhersla er lögð á að verkefnin séu ólík.
Prófið samanstendur af mörgum ólíkum þáttum t.a.m dans- og líkamsæfingum og er mælst er til að umsækjendur komi í hentugum fatnaði.
Að inntökuferli loknu er allt að 10 einstaklingum boðin skólavist.
Nánari upplýsingar: Stefán Jónsson, fagstjóri
Nánari upplýsingar um nám við deildina er að finna á síðu Leiklistar- og dansdeildar