Listaháskólinn leggur kapp á að laða til sín hæft starfsfólk og nemendur og bjóða þeim góða starfsaðstöðu og bestu mögulegu þjónustu.
Við skólann starfa fjögur stoðsvið sem hafa það hlutverk að skapa nemendum, kennurum og öðru starfsfólki skólans skilyrði til að vinna störf sín í samræmi við skipulagsskrá og reglur skólans. Stoðsviðin eru: Háskólaskrifstofa, tölvu- og vefþjónusta, rannsóknarþjónusta og bókasafn og upplýsingaþjónusta. Sameiginlegt markmið stoðsviða er að veita bestu þjónustu sem kostur er á hverju sinni.
Önnur þjónustusvið skólans eru verkstæði og mötuneyti, auk fjármálasviðs sem heldur utan um fjárreiður, fjárhagsáætlanir, launagreiðslur og innkaup. Fjármálasvið er staðsett á háskólaskrifstofu, Þverholti 11, 105 Reykjavík.