Listkennsludeild
Upplýsingar fyrir umsækjendur um nám í listkennsludeild skólaárið 2010-2011
Mikilvægar dagsetningar
| Frestur til að skila inn umsóknum | 3. maí 2010 |
| Tilkynningar um inntöku beraast eigi síðar en | 4. júní 2010 |
| Staðfesta skal skólavist með greiðslu staðfestingargjalds | 21. júní 2010 |
| Upphaf haustmisseris | 23. ágúst 2010 |
Rafræn umsókn í listkennsludeild
Umsókn og önnur gögn sendist til
Listaháskóli Íslands
Listkennsludeild
Laugarnesvegi 91
105 Reykjavík
Almennt um nám í listkennsludeild
Nám í Listkennsludeild er ætlað listafólki með BA gráðu í tónlist, myndlist, hönnun, dansi og leiklist og undirbýr nemendur fyrir kennslu í listum. Tveggja ára nám lýkur með starfstengdri meistaragráðu í listkennslu. Fram til 1.júlí 2011 er einnig boðið upp á eins árs kennsluréttindanám sem lýkur með diplóma. Námið veitir m.a. akademísk réttindi til að sækja til menntamálaráðuneytis um lögvernduð réttindi til kennslu á grunn- og framhaldsskólastigi (Er háð lögum og reglum um starfsheiti og -réttindi grunn- og framhaldsskóla).
Námið miðar að því að þjálfa listamenn til kennslu í sinni listgrein og efla með þeim persónulega færni og kunnáttu til að miðla þekkingu sinni.
Það er markmið Listaháskólans að efla hlut lifandi lista í fræðslu og menntun allra landsmanna og auka um leið skilning á gildi skapandi hugsunar í hvers konar skólastarfi. Listkennsludeild vill stuðla að því að nýsköpun í listum og listfræðum berist á milli skólastiga og viðhorf listamanna til listuppeldis fái notið sín.
Námið er tveggja ára 120 eininga meistaranám eða eins árs 60eininga diplomanám. Nemendur geta tekið námið á lengri tíma en þó ekki lengur en nemur tvöföldum námstíma. Kennslan er staðbundin og fer fram í Laugarnesi.
Í listkennsludeild LHÍ fer fram fræðilegt og verklegt nám í listum og kennslufræðum, samhliða þjálfun á vettvangi. Áhersla er lögð á að nemendur öðlist þekkingu og skilning á starfi kennarans og fræðum um kennslu; færni kennarans við skipulag náms, vali á kennsluaðferðum, námsgögnum og kennslugögnum, námsmati, greiningu á þörfum nemenda ásamt almennri þekkingu á skólastarfi á grunn- og framhaldsskólastigi.
Meistaranámi í listkennslu, 120 einingum lýkur með M.A. prófgráðu í listkennslu. Diplomanámi í listkennslu, 60 einingum lýkur með diploma í listkennslu. Námið veitir akademísk réttindi til þess að sækja um leyfisbréf til Menntamálaráðuneytis til starfsréttinda á grunn- og framhaldsskólastigi.
Nánari upplýsingar um tilhögun námsins á síðasta skólaári og lýsingar á einstaka námskeiðum er að finna í kennsluskrá skólaársins 2009-2010 á heimasíðu skólans.
Meistaranám í listkennslu
Diplómanám í listkennslu
Umsóknir og inntaka
Listaháskóli Íslands sækist eftir hæfileikamiklum og hugmyndaríkum einstaklingum með góða almenna undirstöðumenntun, verkvit og grunnþekkingu í listum.
1. Inntökunefnd fer yfir umsóknir (sjá reglur um inntöku).
2. Við mat á umsóknum er tekið tillit til námsárangurs og starfsreynslu auk umsagna meðmælenda og greinargerðar umsækjanda.
3. Þeir umsækjendur sem uppfylla skilyrði um menntun og önnur viðmið eru kallaðir í viðtal.
4. Nemendum sem fá inngöngu í námið verða sendar nánari upplýsingar um tilhögun þess.
Rafræn umsóknareyðublöð eru aðgengileg á vef Listaháskólans www.lhi.is. Umsókn þarf að fylgja staðfest afrit prófskírteina, greinagerð um ástæður umsóknar, ferilskrá yfir almenn störf, kennslu- og listræn störf og umsagnir tveggja meðmælenda.
Nánari upplýsingar veita Kristín Valsdóttir, deildarforseti listkennsludeildar og Svanborg Matthíasdóttir, deildarfulltrúi og umsjónarkennari kennaranema.
Reglur um inntöku í listkennsludeild
