Opnað hefur verið fyrir umsóknir í tónlistardeild. Umsóknarfrestur  til að sækja um bakkalárnám fyrir skólaárið 2012-2013 er 23. mars 2012 en fyrir meistaranám 11. maí 2012.

Almennt um tónlistardeildina
Í tónlistardeild er boðið sérhæft tónlistarnám í hljóðfæraleik og einsöng til BMus gráðu og almennt tónlistarnám til BA gráðu, þar sem nemendur geta valið um að sérhæfa sig kirkjutónlist, Mennt og miðlun og í tónsmíðum fyrir ýmsa miðla.

Mikilvægar dagsetningar

Diplóma og bakkalárnám
Frestur til að skila inn umsóknum	23. mars 2012
Stöðupróf	19. og 20. apríl 2012
Inntökupróf og viðtöl	19. og 20. apríl 2012
Tilkynningar um inntöku póstlagðar	í maí 2012
Upphaf haustmisseris	20. ágúst 2012
Meistaranám í tónsmíðum
Frestur til að skila inn umsóknum	11. maí 2012
Viðtöl	í maí 2012
Tilkynningar um inntöku póstlagðar	í júní 2012
Upphaf haustmisseris	20. ágúst 2012
Meistaranám í Sköpun, miðlun og frumkvöðlastarfi
Frestur til að skila inn umsóknum	11. maí 2012
Viðtöl	í maí 2012
Tilkynningar um inntöku póstlagðar	í júní 2012
Upphaf haustmisseris	20. ágúst 2012

Til að umsókn sé fullgild í tónlistardeild þurfa eftirfarandi gögn að berast Listaháskólanum:

• Rafræn umsókn  (sjá viðkomandi deild)
• Prentuð og undirrituð umsókn
• Staðfest afrit af prófskírteinum
• Mappa með sýnishornum af verkum umsækjenda (á ekki við um umsækjendur í hljóðfæraleik eða söng)

Rafræn umsókn í tónlistardeild

Meistaranám í tónlist

Tónsmíðar
Í tónlistardeild er boðið upp á meistaranám í tónsmíðum. Námið er 120 einingar, að jafnaði 30 einingar á önn, og lýkur með MA gráðu í tónsmíðum. Tilgangur meistaranáms í tónlist við Listaháskóla Íslands er að auka fjölhæfni og víðsýni nemandans ásamt því að auka starfsmöguleika hans í fjölbreyttu tónlistarlífi samtímans hverju sinni. Með náminu mun nemandinn öðlast gagnrýna sýn á eigin listsköpun og auka hæfni sína til að takast á við verkefni í tengslum við aðrar listgreinar og annað menningarumhverfi.

Evrópskt meistaranám í sköpun,miðlun og frumkvöðlastarfi
Námið, sem er samvinna fimm tónlistarháskóla í Evrópu, er til tveggja ára og 120 eininga. Nemendur ljúka að jafnaði 30 einingum á önn. Náminu lýkur með MA gráðu. Á annarri önn stunda nemendur námið við einn af hinum fjórum erlendu skólunum eða fara í annað skiptinám sem hentar. Nemendur eru sjálfir ábyrgir fyrir kostnaði við skiptinámið en þeim er bent á Erasmus, Nordplus eða aðra styrkjamöguleika.
Markmiðin eru að þróa og framkvæma skapandi verkefni við mismunandi aðstæður og efla með nemendum áræði og dug til að gerast leiðtogar á sínu sviði. Nemendur fást við fjölbreytta tónsköpun og flutning, og þróa í því skyni nýjar aðferðir.

Jafnframt er boðið upp á 40 eininga diplómanám sem er ætlað nemendum sem enn stunda almennt nám á framhaldsstigi en standast kröfur Listaháskólans um kunnáttu og færni í tónlist. Þeir nemendur þurfa að hafa lokið framhaldsnámi skv. aðalnámskrá tónlistarskólanna. Þó ber að athuga, að einungis nemendur sem eru orðnir a.m.k.16 ára geta sótt um þessa námsleið.

Tónlistardeild greinist í eftirfarandi brautir

Diplóma:
Hljóðfæraleikur / söngur:
-píanó
-strengir/blásarar
-söngur
-annað

BMus gráða:
-Hljóðfæraleikur / söngur:
-píanó
-strengir/blásarar
-söngur
-annað

BA gráða:
Mennt og miðlun
Kirkjutónlist
Tónsmíðar:
-almennar tónsmíðar
-nýmiðlar
-kvikmyndatónlist
-sviðstónlist
-upptökutækni

Kjarni
Í kjarna tónlistarnáms til BA og BMus gráðu eru sameiginleg fög allra brauta. Helstu fög eru: tónfræði, tónheyrn, kórstjórn, tónlistarsaga, ritgerðaskrif, tónbókmenntir ásamt almennum kynningaráföngum um tækni í tónlist og starfsumhverfi tónlistarmanna.

Inntökuskilyrði í nám til BA eða BMus gráðu
Inntökuskilyrðin greinast í almenn og sérstök inntökuskilyrði.

a) Almenn inntökuskilyrði
Miðað er við að umsækjendur hafi lokið stúdentsprófi eða sambærilegu námi. Þeir sem ekki uppfylla þessi almennu inntökuskilyrði þurfa að sýna fram á þroska og þekkingu sem meta má til jafns við það nám sem á vantar. Greinargerð þar að lútandi skal fylgja umsókn.

b) Sérstök inntökuskilyrði
Auk hinna almennu inntökuskilyrða þurfa umsækjendur að uppfylla viðbótarkröfur um þekkingu á tónlist. Er þar er miðað við að umsækjandi hafi lokið framhaldsstigi samkvæmt aðalnámsskrá tónlistarskólanna eða sambærilegu námi.

Allir sem uppfylla almenn inntökuskilyrði eru boðaðir í stöðupróf í tónfræði, hljómfræði, tónlistarsögu og tónheyrn.

Inntökuferli
BMus gráða og diplóma gráða í hljóðfæraleik / söng
• Umsóknir eru metnar með tilliti til almennra skilyrða
• Stöðupróf í tónfræðigreinum
• Inntökupróf (hljóðfæra / söngpróf)
• Endanlegar niðurstöður

BA gráða í tónsmíðum, Mennt og miðlun og kirkjutónlist
• Umsóknir eru metnar með tilliti til almennra skilyrða
• Stöðupróf í tónfræðigreinum
• Inntökunefnd metur innsend verk umsækjenda
• Viðtöl
• Inntökupróf í orgelleik (á eingöngu við kirkjutónlistarbraut)
• Endanlegar niðurstöður

Upplýsingar fyrir umsækjendur til grunnnáms í hljóðfæraleik-söng 2011-2012

Upplýsingar fyrir umsækjendur í tónsmíðum, mennt og miðlun og kirkjutónlist 2011-2012

Sýnishorn af stöðuprófi í tónfræði, 1. hluti - tónfræði byrjenda

Sýnishorn af stöðuprófi í tónfræði, 2.hluti - hljómfræði

Sýnishorn af stöðuprófi í tónfræði, 3. hluti - tónheyrn

Inntökuskilyrði fyrir meistaranám í tónsmíðum

BA / BMus próf í tónsmíðum eða sambærilegt nám sem metið verður af inntökunefnd.
Ítarleg námstillaga þar sem fram koma markmið og rannsóknarsvið náms.

Inntökuferli
• Inntökunefnd metur innsend verk umsækjenda og námstillögu
• Viðtöl
• Endanlegar niðurstöður

Inntökuskilyrði fyrir meistaranám í sköpun, miðlun og frumkvöðlastarfi

BA / BMus gráða í tónlist eða sambærilegt nám og reynsla
Gott vald á tónlistarflutningi sem skal sýnt í inntökuprófi
Skýr listræn sýn og metnaður auk nægrar grunnþekkingar í þeim hæfnisviðmiðum sem sett eru og metin í inntökuferlinu.

Inntökuferli
Umsóknarferlið er unnið í samvinnu við samstarfsskólana. Sérstakt umsóknareyðublað fyrir námið er að finna í MySchool

1. umferð:
- Umsækjandi sækir um rafrænt á lhi.is og sendir útprentað og undirritað eintak af inn ásamt fylgigögnum.
- Skilað er inn útfylltri umsókn á ensku sem sótt er á síðu Joint Music Master
- Skilað er inn námsáætlun og bréfi sem lýsir áhugasviði og áformum varðandi framtíðarferil í tónsköpun og miðlun.
- Skilað er inn upplýsingum um nám og starfsferil auk DVD upptöku af flutningi umsækjanda.

LHÍ velur þá sem komast í aðra umferð. Umsækjandi er beðinn um að velja tvo af hinum samstarfsskólunum til að dvelja á  annarri námsönninni, einn sem fyrsta val og annan til vara. Ekki verður þó hægt að ganga frá því endanlega á þessu stigi. Eftir að 2. umferð lýkur verður ljóst hvernig nemendurnir raðast niður á skólana á annarri önn.

2.  umferð:
- Tónlistarflutningur.
(tónheyrnarkönnun sleppt)
- Kynning umsækjandans á námsáætlun og áformum um verkefni.
- Umræður um annað kynningarefni, m.a. mynddisk, sem umsækjandi lagði fram.
- Smiðja, eða “Workshop” með öðrum umsækjendum.

-Athugið að viðtalið fer fram á ensku þar sem inntökunefndina skipa að hluta aðilar úr samstarfsskólunum

Nánari upplýsingar um nám og umsóknir í tónlistardeild veitir Sóley Björt Guðmundsdóttir, deildarfulltrúi tónlistardeildar

Nánari upplýsingar um nám við deildina er að finna á síðu deildar - Tónlistardeild

Rafræn umsókn í tónlistardeild