Automatic translation by Google Translate.We cannot guarantee that it is accurate.
Skoða vefinn á ÍslenskuAlþjóðasamstarf
Listaháskólinn tekur virkan þátt í alþjóðlegu samstarfi og leggur áherslu á að byggja upp faglegt samstarf við háskólastofnanir og fagumhverfi erlendis.
Skiptinám frá LHÍ
Að fara í skiptinám er einstakt tækifæri til að öðlast nýja sýn og kynnast menningu og samfélagi annarrar þjóðar. Nemendur sem fara í skiptinám fá tækifæri til að mynda ný tengsl sem kunna að vara lengi eða jafnvel alla ævi.
Starfsnám
Nemendum Listaháskólans gefst kostur á að sækja um Erasmus+ styrk til þess að fara í starfsnám í Evrópu. Um er að ræða dvalarstyrk, en lágmarksdvalartími eru tveir mánuðir.
Samstarfsskólar
Stefnumiðað samstarf Listaháskólans við erlenda samstarfssháskóla stuðlar að þróun náms, kennslu og rannsókna í alþjóðlegu samtali. Listaháskólinn býður upp á skiptinám við yfir hundrað samstarfssóla í gegnum alþjóðleg samstarfsnet líkt og Erasmus+ og Nordplus.
Kennara- og starfsmannaskipti
Skólinn leggur áherslu á náið samstarf á breiðu fagsviði við tiltekna háskóla. Kennarar og starfsfólk LHÍ geta sótt um ferðastyrki til að sinna gestakennslu eða starfsþjálfun hjá samstarfsháskólum. Þátttaka í Erasmus+ og Nordplus gerir LHÍ einnig kleift að sækja um ferðastyrki fyrir sérfræðinga frá fagvettvangi til gestakennslu.
Incoming exchange
Are you interested in doing exchange study at IUA? Each semester the IUA welcomes around 30 exchange students from partner institutions. Look here for further information for incoming exchange students.
Upplýsingar
-
Alþjóðastefna
Alþjóðlegt samstarf er mikilvæg leið til þekkingarsköpunar, byggir upp traust og stuðlar að auknum skilningi á alþjóðasamfélaginu. Í gegnum alþjóðlegt samstarf í fjölmenningarlegu námssamfélagi leitast Listaháskólinn við að þjálfa nemendur í að taka ákvarðanir sem eru byggðar á staðreyndum fremur en fordómum. Alþjóðlegt samstarf háskóla er jafnframt mikilvægur liður í að efla gæði náms, kennslu og rannsókna.
-
Alþjóðleg samstarfsverkefni
Stefnumiðað samstarf Listaháskólans við erlenda samstarfsháskóla stuðlar að þróun náms, kennslu og rannsókna í alþjóðlegu samtali. Skólinn leggur áherslu á náið samstarf á breiðu fagsviði við tiltekna háskóla. Í því felst þátttaka í verkefnum um þróun á námi og kennslu, alþjóðlegum rannsóknarverkefnum, samtal um gæðamál og bætta stjórnsýslu, gestakennsla og fjölbreyttar leiðir til nemendaskipta.
-
Styttri námsdvalir
Nemendur geta sótt um styrk fyrir styttri námsdvölum sem eru í boði á Norðurlöndum og í Eystrasaltsríkjum. Nemendur fá styrki í gegnum Nordplus áætlunina.