Automatic translation by Google Translate.We cannot guarantee that it is accurate.
Skoða vefinn á Íslensku
Bakland LHÍ óskar eftir framboði til stjórnar Listaháskólans
Stjórn baklands LHÍ óskar eftir framboði til stjórnar Listaháskólans vegna þess að eitt sæti í stjórn er að losna. Öllum er frjálst að senda inn framboð sem stjórn baklandsins mun í kjölfarið taka afstöðu til. Við biðjum ykkur að láta boðið út ganga meðal ykkar félagsmanna.
Framboð skulu vera einföld: stutt ferilsskrá + kynningarbréf (ekki meira en ein blaðsíða). Framboð sendist á: baklandsstjorn@lhi.is í síðasta lagi þann 5. september n.k.
Guðrún Björk Bjarnadóttir, framkvæmdastjóri STEF, er nú að hætta í stjórn LHÍ eftir sex ára setu þar. Aðrir fulltrúar baklandsins eru Karen María Jónsdóttir, leikhúsfræðingur og dansari, og Hildur Gunnlaugsdóttir, arkitekt.
Varamenn:
Jóhann G. Jóhannsson, leikari
Athugið að við meðhöndlun framboða er stjórn baklandsins skylt að taka tillit til laga félagsins, nánar tiltekið:
• Stjórn Baklandsins kýs árlega úr innsendum framboðum einn aðalmann og einn varamann í stjórn LHÍ til þriggja ára í senn. Meirihluti greiddra atkvæða ræður úrslitum. Séu atkvæði jöfn fer formaður Baklandsins með oddaatkvæði. Stjórnarmaður í stjórn LHÍ getur að hámarki setið tvö kjörtímabil samfellt.
• Við ákvörðun um fulltrúa í stjórn LHÍ skal haft í hávegum að téðir fulltrúar skuli vera starfandi og/eða viðurkenndir lista‐ og/eða fræðimenn á fagsviðum LHÍ. Stjórnendur menningarstofnana og atvinnulífs eru jafnframt gjaldgengir til setu í stjórn LHÍ.
• Við ákvörðun um fulltrúa til stjórnarsetu í LHÍ skal stjórn Baklandsins gæta að faglegu jafnvægi milli faggreina til samræmis við markmið og þarfir LHÍ hverju sinni.
• Fastráðnir starfsmenn, nemendur LHÍ og þeir sem hafa fjárhagslegra hagsmuna að gæta, sbr. skipulagsskrá LHÍ og starfsreglur stjórnar LHÍ eiga þess ekki kost að sitja í stjórn LHÍ.
Til að gæta faglegs jafnvægis viljum við minna á að núverandi fulltrúar eru með sérþekkingu á sviði arkítektúrs og hönnunar, annarsvegar, og sviðslista, hinsvegar. Til að tryggja faglegt jafnvægi milli fagreina, sem er skylda baklandsins, hvetjum við sérstaklega fólk með þekkingu á sviði kvikmyndunar, myndlistar eða tónlistar til að senda inn framboð.
