Bókasafn og upplýsingaþjónusta

Finna rit

Skoða nánar

Skoða nánar

Bókasafn LHÍ

Bókasafn og upplýsingaþjónusta Listaháskóla Íslands er sérfræðisafn á sviði þeirra listgreina sem kenndar eru við skólann og er safnið stærsta listbókasafn landsins.

Hagnýtar upplýsingar

Bókasafn Listaháskólans er til húsa í Hamri, Stakkahlíð 1.

Afgreiðslutími safnsins er mánudaga-fimmtudaga 8:30-16:00 og föstudaga 8:30-13:00

Nemendur og starfsfólk LHÍ hafa aðgang að bókasafninu utan afgreiðslutíma með aðgangskorti að húsinu í Stakkahlíð.

Les- og vinnuaðstaða er í Stakkahlíð, þar er hægt að sinna verkefnavinnu bæði einstaklingslega og í hópum.

Sími: 545 2217
Netfang: bokasafn@lhi.is
Útlán / Millisafnalán
Útlánaþjónusta
- Bókasafn LHÍ er einkum ætlað nemendum, kennurum og öðru starfsfólki skólans, en er jafnframt opið öðrum sem sérfræðisafn á sviði lista.
- Öllum er heimilt að heimsækja safnið á auglýstum afgreiðslutíma þess og kynna sér endurgjaldslaust þau gögn ser þar er að finna. Þeir sem vilja nýta sér útlán á gögnum greiða árgjald samkvæmt gjaldskrá.
- Allir sem koma á safnið og nýta sér þjónustu þess eru hvattir til að kynna sér útlánareglur þar sem fram koma upplýsingar um útlánstíma gagna, endurnýjun, frátektir o.fl.
- Notendur safnsins geta endurnýjað eigin lán sjálfir með innskráningu á lhi.leitir.is. Einnig má hafa samband við bókasafnið og óska eftir endurnýjun.
Millisafnalán
- Safnið útvegar millisafnalán frá öðrum söfnum, fyrir nemendur og kennara, á bókum eða tímaritsgreinum sem ekki eru til á bókasafni LHÍ. Gjald er tekið fyrir millisafnalán samkvæmt gjaldskrá. Nánar um millisafnalán.
Gjaldskrá

Nemendur og kennarar í LHÍ eru lánþegar án endurgjalds – free for students and staff
Almennir lánþegar greiða kr. 2000 fyrir árgjald – for other users 2000 ISK

Millisafnalán:
Starfsfólk og kennarar Listaháskóla Íslands greiða ekki fyrir millisafnalán.
Nemendur greiða 1.000 kr fyrir ljósrit af grein og bækur frá innlendum söfnum.
Aðrir greiða 2.000 kr. fyrir ljósrit af grein og bækur frá innlendum söfnum.
Beiðni um millisafnalán er bindandi og rukkað verður fyrir ósóttar beiðnir.

Glatað efni:
Glati lánþegi eða týni bók skal hann borga andvirði hennar til safnsins. Undantekningar má þó gera frá þessu og skal það metið í hvert sinn.
Sama á við um önnur safngögn svo sem geisladiska, DVD og nótnahefti, ef slík gögn glatast skal lánþegi greiða andvirðið.
Fræðsla

Eitt af markmiðum bókasafns og upplýsingaþjónustu LHÍ er að stuðla að upplýsingalæsi innan LHÍ með fræðslu og ráðgjöf til nemenda, kennara og starfsfólks skólans.

Á hverju skólaári er bókasafns og upplýsingaþjónusta LHÍ með kynningar og fræðslu fyrir nýnema, en einnig er boðið upp á fræðslu fyrir nemendur sem eru lengra komnir í námi sínu, meistaranema, kennara og aðra starfsmenn skólans.

Tilgangur fræðslunnar er að kynna bókasafnið fyrir nemendum og þær upplýsingalindir, stafrænar og prentaðar, sem það veitir aðgang að og kenna þeim að nýta sér þær meðan á háskólanámi þeirra stendur. Einnig er lögð áhersla á mat á gæðum upplýsinga og að nemendur geti valið úr og notað þær á markvissan hátt.

Hægt er að panta fræðslu með því að senda póst á bokasafn@lhi.is
Ritver / Bóka viðtal
Á bókasafni LHÍ er ritver þar sem nemendum LHÍ er veitt er ráðgjöf í einstaklingsviðtölum varðandi:
- Heimildaskráningu
- Heimildaleit
- Upplýsingaöflun
- Zotero (forrit sem heldur utan um heimildir)
- Sniðmát og tæknileg atriði
- Turnitin
- Skil í Skemmu
Smelltu hér til að bóka viðtal

Hafðu samband við ritverið með því að senda póst til ritver@lhi.is eða hringja í síma 545-2217
Þjónusta við kennara
Kennurum LHÍ stendur til boða margvísleg þjónusta á bókasafninu:
- Kennarar geta lagt fram tillögur um hvað keypt skuli inn á þeirra sviðum. Kennarar senda tillögur um bókakaup til fagstjóra í viðkomandi deild. Fagstjórar taka ákvarðanir um bókakaup leggja inn beiðni um bókakaup til bókasafnsins.
- Kennarar geta beðið starfsfólk bókasafns að taka frá efni úr safnkosti og/eða lagt inn efni sem þeir eiga sjálfir í námsbókasafn. Með því móti má tryggja öllum nemendum í námskeiði aðgang að efninu. Mikilvægt er að bókasafninu berist upplýsingar um efni sem á að vera í námsbókasafni með góðum fyrirvara. Hægt er að senda beiðnir um námsbókasöfn á bokasafn@lhi.is
- Hægt er að fá bókasafns- og upplýsingafræðing til að koma í tíma með kynningu/kennslu í heimildaleitum í tengslum við verkefnavinnu nemenda og ef kennarar vilja sjálfir læra betur að nota tiltekin gagnasöfn er boðið upp á einstaklingskennslu.
- Æskilegt er að kennarar geti heimilda í námskeiðslýsingum sínum og að þeir geri bókasafni viðvart um það áður en námskeið hefst.
Nánari upplýsingar um þjónustu má fá hjá starfsmönnum safnsins og/eða með því að senda fyrirspurn á bokasafn@lhi.is
Meginhlutverk og markmið
Hlutverk

Að veita nemendum og starfsfólki, auk annarra sem til skólans leita, aðgang að fjölbreyttu efni um listir og menningu, s.s. fræðibókum, tímaritum, myndefni, leikhandritum og nótnabókum.

Að efla upplýsingalæsi nemenda og starfsfólks með fræðslu ásamt því að leiðbeina um notkun safnsins og aðstoða við leit að upplýsingum í rafrænum gagnasöfnum.

Markmið

Að byggja upp og skipuleggja sérhæfðan safnkost á fræðasviðum skólans.

Að starfrækja nútímalegt rannsóknar- og sérfræðibókasafn á sviðum listgreina.

Að veita notendum auðveldan aðgang að heimildum innan og utan safnsins og fræða um hinar ýmsu upplýsingaleiðir.

Að veita sérhæfða upplýsingaþjónustu um myndlist, arkitektúr, hönnun, kvikmyndalist, leiklist, dans, tónlist og listkennslu.
Saga bókasafnsins

Bókasafn og upplýsingaþjónusta Listaháskóla Íslands var stofnað árið 1999 þegar Listaháskóli Íslands var stofnaður. Safnið er byggt á grunni bókasafns Myndlista- og handíðaskólans og bókasafns Leiklistarskóla Íslands og var safnkosturinn við stofnun um 13.000 eintök. Í fyrstu var safnið eingöngu starfrækt í Skipholti 1 og Sölvhólsgötu 13. Árið 2001 var opnað útibú í Laugarnesi og á árunum 2001-2016 var safnið með starfsemi í þeim þremur byggingum þar sem skólinn var með starfsemi sína. Árið 2016 flutti sviðslista- og tónlistarbókasafnið úr húsnæðinu á Sölvhólsgötu og sameinaðist safninu í Þverholti 11. Sumarið 2024 var bókasafnið flutt úr Þverholti og Laugarnesi og sameinað á einn stað í Stakkahlíð 1 þar sem það er nú til húsa með alla sína starfsemi.