Bókasafn og upplýsingaþjónusta

Um safnið

Stærsta sérfræðisafn landsins í myndlist, hönnun, arkitektúr, kvikmyndum, sviðslistum, tónlist og listkennslu.

Safnið þjónar nemendum og starfsfólki Listaháskólans en er einnig opið öðrum. Safnkosturinn er sérvalinn fyrir námsleiðir og rannsóknir skólans.

Öllum er heimilt að heimsækja safnið á afgreiðslutíma og kynna sér endurgjaldslaust þau gögn sem þar er að finna. Þeir sem vilja nýta sér útlán á gögnum greiða árgjald samkvæmt gjaldskrá.

Hlutverk

• • Að veita nemendum og starfsfólki, auk annarra sem til skólans leita, aðgang að fjölbreyttu efni um listir og menningu, s.s. fræðibókum, tímaritum, myndefni, leikhandritum og nótnabókum.
  • Að efla upplýsingalæsi nemenda og starfsfólks með fræðslu ásamt því að leiðbeina um notkun safnsins og aðstoða við leit að upplýsingum á margvíslegu formi.

Markmið

• • Að byggja upp og skipuleggja sérhæfðan safnkost á fræðasviðum skólans.
  • Að starfrækja nútímalegt rannsóknar- og sérfræðibókasafn á sviðum listgreina.
  • Að veita notendum auðveldan aðgang að heimildum innan og utan safnsins og fræða um hinar ýmsu upplýsingaleiðir.
  • Að veita sérhæfða upplýsingaþjónustu um myndlist, arkitektúr, hönnun, kvikmyndalist, leiklist, dans, tónlist og listkennslu.