Nemendur tónlistardeildar kynna afrakstur annarinnar með nokkrum tónleikum á tímabilinu 30.nóvember - 13.desember. Aðgangur er ókeypis á alla tónleikana og öll hjartanlega velkomin.
30.nóvember í Dynjanda
kl. 17:00 söngnemendur
kl. 19:30 söngnemendur
6.desember í Dynjanda
kl. 20:00 skapandi tónlistarmiðlun
8.desember í Dynjanda
kl. 18:00 selló og kammer
kl. 19:30 víólur
Birta Reynisdóttir lýkur bakkalárnámi í söng við Listaháskóla Íslands. Útskriftartónleikar hennar fara fram þann 28.nóvember kl.17:00 í Dynjanda, sal tónlistardeildar LHÍ, Skipholti 31.
Meðleikari er Matthildur Anna Gísladóttir. Aðgangur ókeypis og öll velkomin.
Hróðmar I. Sigurbjörnsson heldur fyrirlestur um kennslu tónfræðagreina í tónlistardeild Listaháskólans, föstudaginn 24. nóvember kl. 12:45-13:45.
Í fyrirlestrinum mun hann kynna námsefni í hljómfræði á háskólastigi sem lýtur að tónlist barokk-, klassíska og rómantíska tímabilsins á árunum 1700-1850. Námsefnið hefur verið keyrt í tónfræðanámskeiðum skólans síðastliðin þrjú ár í samvinnu við Elínu Gunnlaugsdóttur og Gísla Magnússon.
Nemendur tónlistardeildar Listaháskóla Íslands flytja fjölbreytta tónlist frá ýmsum tímabilum í Hallgrímskirkju 18.nóvember kl.14:00. Á dagskrá eru orgelverk, kammertónlist með trompet, aríur og kórverk.
Aðgangur ókeypis og öll hjartanlega velkomin.
Gestur málstofunnar að þessu sinni er Ingibjörg Ýr Skarphéðinsdóttir. Hún mun fjalla um það sem hún
hefur fengist við eftir útskrift frá LHÍ; plötur sem hún hefur gefið út, samstarfsverkefni með Kammersveit Reykjavíkur, SÍ, Nordic Affect og kór Breiðholtskirkju ásamt vinnu hennar í leikhúsi. Hún mun fjalla um hvernig ólíkir flytjendur hafa haft áhrif á smíð tónverka hennar og hvernig þau hafa mótað verkin sjálf í spuna og túlkun á náttúruhljóðum, þ.e. hvala- og fuglasöng.
