Ekki sofna á vaktinni! Umsóknarfresturinn nálgast óðfluga

Umsóknarfrestur fyrir flestar námsleiðir í grunn- og framhaldsnámi rennur út þriðjudaginn 8. apríl.

Gildir ekki fyrir MA hönnun (MADNE) en umsóknarfrestur á þeirri námsleið er 22. apríl.   

Við bendum umsækjendum á að hægt er að sækja um nám í Listaháskóla Íslands til miðnættis þann 8. apríl. 

Á þeim námsleiðum sem að þarf að skila inn rafrænum möppum (portfolio) er hægt að skila þeim inná umsóknargáttina á Uglu til miðnættis 8. apríl.  

Á þeim námsleiðum þar sem að beðið er um efnislegar möppur t.d. í arkitektúr, verður að skila henni á skrifstofu Listaháskólans.   

Í hönnun og myndlist stendur til boða að skila möppunni rafrænni eða efnislegri. Ef nemendur ákveða að skila henni efnislegri verður að skila henni á skrifstofur Listaháskólans.  

ATH. Umsækjendur verða að vera búnir að skila inn umsókn á umsóknargáttinni á Uglu og greiða umsóknargjald áður en þeir skila efnislegri möppu. Ekki er tekið við möppum ef ekki er búið að skila inn umsókn á Uglu og greiða umsóknargjald. 

Möppur fyrir arkitektúr og hönnun skilast í afgreiðsluna í Hamar, Stakkahlíð 1 

Möppur fyrir myndlist skilast í afgreiðsluna í Laugarnesi.  

Opnunartími afgreiðslna Listaháskólans þann 8. apríl er frá 8:00 til 16:00  

Ef umsækjendur komast ekki á opnunartíma skrifstofu Listaháskólans geta umsækjendur farið á næsta pósthús og póstlagt möppuna (það er dagsetningin á póstlagningunni sem að gildir).  

Heimilisföng listaháskólans eru hér: https://www.lhi.is/um-lhi/starfsstodvar-og-adstada/