Lindy Atkin og Stephen Guthrie frá Bark Design Architects í Ástralíu flytja fyrirlesturinn „Arkitektúr í ástralska landslaginu“. Verk Bark Design miðast við að kanna stemningu staðar í gegnum verkefni í arkitektúr og listum, með hliðsjón af staðarvitund, veðráttu og staðbundinni menningu.
Meðlimir í tengslanetinu Pixelache halda sameiginlegan fyrirlestur um „Virkt og íhugandi samband tækni og menningar“ í Listaháskóla Íslands, Þverholti. Pixelache er bæði nafn á finnskri listahátíð og tengslaneti hátíða sem eru tileinkaðar tilraunakenndri list, hönnun og tækni.
Salvör Jónsdóttir er skipulagsfræðingur að mennt og hefur unnið að kennslu, rannsóknum og margþættum störfum á sviði skipulagsmála. Fyrirlesturinn mun fjalla um borgarbúskap í nærumhverfinu í samhengi við alþjóðlega strauma og stefnur.
Andrew King fjallar um eigin verk og rannsóknarverkefni. Verkin endurspegla fjölbreytta nálgun á rannsóknarviðfangsefnum og spanna vítt svið arkitektúrs, innsetninga og samstarfsverkefna í listum. Verkin hafa hlotið fjölda viðurkenninga í Canada.
Fyrirlestrarnir hefjast kl 12:10 í sal A í húsnæði hönnunar- og arkitektúrdeildar í Þverholti 11. Fyrirlestrar eru fluttir á ensku. Allir velkomnir á meðan húsrúm leyfir.