Sýningar fara fram í Smiðjunni, Sölvhólsgötu 13.
Sunnudaginn 22.maí kl 17 og 21
Þriðjudaginn 24.maí kl. 21:30
miðapantanir eru á midisvidslist [at] lhi.is
miðapantanir eru afgreiddar á skrifstofutíma og send verður staðfesting á afgreiðslu miðapantanna við fyrsta tækifæri.
Stertabenda –u, ur kvk
busl og ærsl, fát, flækja, glundroði, handaskol, ólestur, ósamlyndi, óskapnaður, ringulreið, reiðileysi, ruglingur, tvístringur, uppnám, þvarg; getulaus hross farið í stertabendu
„Svona yfir það heila gætum við sagt að það sé allt í lagi með okkur, er það ekki?”
Verkið heitir Perplex á frummálinu og var frumsýnt í Schaubühne árið 2010, í leikstjórn höfundarins, Marius von Mayenburg. Það fjallar um leikhúsmiðilinn og sig sjálft; fjóra leikara sem keppast við að sigra sýninguna með öllum ráðum. Það aðlagast óþægilega vel að íslenskum veruleika árið 2016, þar sem þjóðarstoltið situr pikkfast í hálsinum eins og þungur grátkökkur og hugmyndirnar sem við höfðum um okkur sjálf mígleka og molna þegar við reynum að ná utan um þær aftur.
------
Íslensk þýðing, leikgerð og leikstjórn: Gréta Kristín Ómarsdóttir
Persónur & leikendur: Bjarni Snæbjörnsson, María Heba (Maja) Þorkelsdóttir, Tinna Sverrisdóttir og Þorleifur Einarsson
Tónlist: Hljómsveitin Eva – Sigríður Eir Zophoníasardóttir & Vala Höskuldsdóttir
Í sýningunni kemur einnig fram tónlist og textar eftir: ABBA, Axel Einarsson, Jóhann G. Jóhannsson & Hjálparsveitina, Björgvin Halldórsson, Bubba Morthens, Guðmund Magnússon & Sigfús Einarsson, Olgu Guðrúnu Árnadóttur, Ólöfu frá Hlöðum, Sálina hans Jóns míns, Jerry Hermann & Veturliða Guðnason.
Aðstoð við útsetningar: Axel Ingi Árnason
Aðstoðarleikstjóri: Eva Halldóra Guðmundsdóttir
Sviðshreyfingar: Erla Rut Mathiesen
Aðstoð við búninga: Gígja Sara Björnsson
-----
Gréta Kristín vinnur með leikstjórnaraðferðir á mörkum realisma og blandar saman tækjum úr vopnabúri rússneskrar hefðar sálfræðilegra greiningarkerfa og þýskrar framandgervingar til þess að rannsaka þolmörk og snertipunkta hvors um sig.
Hún leitar fanga í hefðinni, bókmenntum, feminískri og lesbískri gagnrýni, absúrd leikhúsi og hinsegin leikhúsi. Gréta sækir innblástur innávið og út í samfélagið, í ríkjandi hugmynda,- og valdakerfi, brostnar vonir og óra um einingu fólks. Og til Ninu Simone.
