Tónlistardeild

Rytmísk söng- og
hljóðfærakennsla 
B.Mus.Ed.

Kennsluskrá 2023-2024

Hæfniviðmið námsleiðar

Þekking

Nemandi býr yfir þekkingu innan listgreinar. Í því felst að nemandinn: 

  • hafi góða þekkingu á afmörkuðu fræðasviði listgreinarinnar; svo sem kennslufræði, sálfræði, tónfræði, tónbókmenntum, tónlistarsögu og stílbrigðum tónlistarinnar,
  • skilji aðferðir sem liggja til grundvallar iðkunar hljóðfæraleiks og söngs,
  • hafi innsæi og skilning til að nálgast viðfangsefni hljóðfæraleiks og söngs sem sjálfstæður einstaklingur,
  • hafi þekkingu á starfsumhverfi tónlistarkennara og tónlistarfólks,
  • þekki tækja- og hugbúnað sem þjónar listgreininni,
  • hafi grunnþekkingu á lagalegu umhverfi tónlistarkennara,
  • geti sett nýjustu þekkingu í samhengi á viðeigandi sérsviði.

Leikni

  • hafi öðlast færni í tónlistarflutningi og geti samhæft tækni og túlkun,
  • hafi öðlast færni í hljóðfæra- eða söngkennslu,
  • geti tekið gagnrýna afstöðu til eigin verkefna og annarra,
  • geti tekið ákvarðanir og rökstutt mál sitt á faglegum grunni,
  • búi yfir tækni og leikni til að vinna sjálfstætt,
  • hafi víðsýni og frumleika í hugsun, sköpun og túlkun,
  • greini hvenær þörf er á upplýsingum og hafi færni til að afla þeirra, meta áreiðanleika og nýta á viðeigandi hátt,
  • hafa tamið sér fjölbreytni í vinnubrögðum,
  • geti nýtt sér tækja- og tæknibúnað við tónlistariðkun og -kennslu.

Hæfni

  • geti unnið sjálfstætt og skipulega, sett sér markmið, gert verkáætlun og fylgt henni,
  • hafa tileinkað sér vinnubrögð sem eru viðurkennd á viðkomandi starfs- og fræðasviði,
  • geta beitt viðurkenndum aðferðum við að afla gagna sem tengjast menntun og skólastarfi,
  • hafi mótað innsæi til mannlegra samskipta við hljóðfæra- og söngkennslu,
  • sé fær um að túlka og kynna hugmyndir sínar,
  • geti tekið virkan þátt í samstarfi og stjórnað hópvinnu,
  • hafa þróað með sér hæfni til frekara náms á sviði tónlistar og kennslu.
A Aðalfag
F Fræði
H Hagnýt þekking
T Tækni
V Vinnustofa
B Bundið val
M Millideildaval
S Skylda
V Val

Fyrri ár