Hin fullkomna húsmóðir, staða konunnar innan veggja heimilisins, þráhyggja og það hvernig við setjum sjálfum okkur reglur leiddi til sjálfsskoðunar. Ímyndin um hina fullkomnu húsmóður er tengd tilfinningu um þvingun og þráhyggju. Allt lítur vel út á yfirborðinu en undir niðri má sjá glitta í sprungur. Línan tjáir þá tilfinningu að vera brjótast úr formi hins hefðbundna með því að brjóta upp hina kvenlegu silúettu. Litir og mynstur fá það hlutverk að tjá þessa þráhyggju fyrir fullkomnun en líka þrá fyrir persónulega tjáningu.