Misbrigði 10 ára

Í tilefni þess að Misbrigði, samstarfsverkefni fatahönnunarbrautar Listaháskóla Íslands og Fatasöfnunar Rauða krossins, fer fram í tíunda skipti í ár verður blásið til hátíðar í Norræna húsinu og Grósku dagana 22.-24. nóvember, með málþingi, sýningum og vinnusmiðjum.
Annars árs nemendur fatahönnunarbrautar hafa í tíu ár hannað fatalínu sem eingöngu er unnin úr ósöluhæfum fatnaði og textíl sem safnast í Fatasöfnun Rauða krossins. Afrakstur námskeiðsins hefur verið sýndur á tískusýningu, í innsetningu og á tískuljósmyndum ár hvert og nú er tilefni til að fagna því.

Dagskrá
Hildur Mist Friðjónsdóttir – sérfræðingur hjá Umhverfisstofnun
Ragna S. Bjarnadóttir – fagstjóri við fatahönnunarbraut LHÍ

Katrín María Káradóttir – prófessor við fatahönnunarbraut LHÍ
Guðbjörg Rut Pálmadóttir – teymisstjóri Fatasöfnunnar Rauða krossins
Jóhannes Bjarki Urbancic Tómasson – sérfræðingur hjá Umhverfisstofnun
Ásrún Ágústsdóttir – textílkennari og stofnandi Salún Studio
Hulda Brynjólfsdóttir – stofnandi spunaverksmiðjunnar Uppspuna
Pallborðsumræður
hlé
Bergþóra Guðnadóttir – fatahönnuður og stofnandi Farmers Market
Arnar Már Jónsson –  stofnandi RANRA og kennari við fatahönnunarbraut LHÍ
Sólveig Hansdóttir – fatahönnuður og stofnandi Sól Hansdóttir
Helga Lilja Magnúsdóttir – fatahönnuður og stofnandi Helicopter og BAHNS
Pallborðsumræður

Boðið verður upp á málþing sem ber yfirskriftina „Tíska og umhverfi” í Norræna húsinu föstudaginn 22. nóvember kl. 12.30-16. Að málþinginu standa fatahönnunarbraut Listaháskóla Íslands, Fatasöfnun Rauða krossins og Umhverfisstofnun.

Viðfangsefni málþingsins er staða tísku og fatahönnunar á Íslandi í dag, umhverfisáhrif fataiðnaðarins og hringrás textíls. Meðal mælenda á dagskrá eru fatahönnuðir, framleiðendur, og kennarar innan fagsins.

Opnun á yfirlitssýningin „Misbrigði í tíu ár” formlega opnuð í anddyri Norræna hússins á föstudeginum 22. nóvember kl. 16:00.
Í framhaldinu verður gestum boðið yfir í Grósku þar sem nemendur á öðru ári fatahönnunarbrautar verða með innsetningu.

Verið velkomin á hönnunarsýningu Misbrigða X, sem opnar föstudaginn 22. nóvember í Mýrinni, Grósku, kl. 17 – 19 og stendur opin alla helgina, milli klukkan 12:00 og 17:00

Hönnunarsýningin kynnir fatnað, unninn af nemendum á 2. ári í fatahönnun í samstarfi við Fatasöfnun Rauða kross Íslands. Verkefnið Misbrigði er nú unnið í tíunda sinn og fór tískusýningin fram þann 2. nóvember. Hægt er að sjá fatnaðinn í návígi, vinnuferlið, tengt efni og þann hvata sem lá að baki verkefninu.

Nemendurnir sem sýna í ár eru:
Alma Hildur Ágústsdóttir
Björk Bregendahl
Diane Francoiseau de Biran
Hafberg Sól
Hulda Kristín Hauksdóttir
Kristrún Rut Hassing Antonsdóttir
Ólafía Elísabet Einarsd. Eyfells
Rieke Reiniak
Rósa Sigmarsdóttir
Stella Michiko
Sverrir Ingi Ingibergsson

Nemendur á fatahönnunarbraut hja Listaháskóla Íslands verða með vinnustofur fyrir fólk á öllum aldri.
Smellið á myndir til að fá frekari upplýsingar.