Automatic translation by Google Translate.We cannot guarantee that it is accurate.
Skoða vefinn á ÍslenskuSöng- og hljóðfærakennsla MA/M.Mus.Ed./MT
Meistaranám í söng- og hljóðfærakennslu miðar að því að mennta fólk til hljóðfærakennslu. Námið er sniðið að tónlistarskólakerfinu á Íslandi. Áhersla er lögð á að að nemendur öðlist skilning og hagnýta þekkingu á starfi tónlistarkennarans.
Information is provided in Icelandic for study programmes that have Icelandic as the primary language of instruction.
Um námið
Meistaranám í söng- og hljóðfærakennslu er fyrir þau sem hafa bakkalárgráðu í tónlist eða sambærilega menntun. Námið hentar einnig starfandi kennurum í tónlistarskólum sem vilja þróa sig og efla í starfi. Námsleiðin er unnin í samvinnu við tónlistardeild Listaháskóla Íslands.
Áhersla er lögð á að nemendur öðlist skilning og þekkingu á starfi kennarans, bæði fræðilega og á vettvangi. Þeir geti skipulagt nám og námsþætti út frá gildandi námskrám og valið námsgögn, náms- og matsaðferðir við hæfi. Kennsla og miðlun eru einnig skoðuð í víðara samhengi og nemendur hvattir til að setja fram eigin sýn og hugmyndir um listnám og námsframboð í samfélaginu.
Í listkennsludeild er saman kominn hópur fólks úr öllum listgreinum sem hefur það að takmarki að tileinka sér og þróa aðferðir við listkennslu með sem víðtækustum samfélagslegum og hugmyndafræðilegum skírskotunum.
Inntökuskilyrði
Bakkalárgráða í tónlist eða sambærileg menntun
Uppbygging náms
Leiðarstef við mótun náms í söng- og hljóðfærakennslu er einstaklingsmiðun. Nemendur hafa um 12 einingar í svokölluðu áherslufagi sem þeir geta nýtt til að styrkja sig á völdu sviði.
Áherslufagið getur verið í formi hljóðfæra- eða söngtíma en einnig er hægt að velja aðrar áherslur. Dæmi um svið sem nemendur hafa valið sér er áhersla á spuna í kennslu, tónsmíðar í kennslu eða í raun á hvaða sviði sem nemendur telja mikilvægt til að efla færni sína á kennsluvettvangi.
Námið er tveggja ára (fjögurra missera), 120 eininga fræðilegt og hagnýtt framhaldsnám í söng- og hljóðfærakennslu sem lýkur með M.Mus.Ed. eða MA gráðu. Nemendur vinna 10, 20 (M.Mus.Ed.) eða 30 (MA) eininga lokaverkefni eða ljúka námsleiðinni án lokaverkefnis (MT).
Umsóknar- og inntökuferli
Allar umsóknir um nám fara í gegnum umsóknargátt og munu öll samskipti varðandi umsóknarferlið fara þar fram. Umsóknargjaldið er greitt í seinasta skrefi ræfrænu umsóknarinnar og er 5.000 kr.
Innritaðir og brautskráðir nemendur sem eru með Ugluaðgang þurfa einnig að stofna sérstakan aðgang í samskiptagátt þegar sótt er um nýtt nám.
Í rafrænu umsókninni gefst umsækjanda kostur á að tilgreina ástæður umsóknar, markmið, framtíðarsýn, áherslugrein og fleira í stuttum texta. Umsækjendur fá staðfestingu á því að LHÍ hafi móttekið umsóknina eftir að gengið hefur verið úr skugga um að umsækjandi hafi skilað inn öllum nauðsynlegum fylgiskjölum. Í listkennsludeild eru nemendur teknir inn einu sinni á ári og hefja nám á haustönn.
Opnað fyrir umsóknir
6. janúar 2025
Umsóknarfrestur
8. apríl 2025
Umsóknum svarað
Maí 2025
Verðskrá
Sérleiðbeiningar listkennsludeildar
Til að umsókn sé fullgild þarf að greiða umsóknargjald og eftirfarandi gögn þurfa að berast Listaháskólanum:
-
1. Staðfest afrit af prófskírteinum
SkyldaStaðfest afrit af prófskírteinum, svarthvítt ljósrit gildir ekki.
-
2. Umsagnir tveggja meðmælenda
SkyldaUmsækjendur eru beðnir um að skrifa nöfn og netföng tveggja umsagnaraðila í þar til gerðan reit í umsókninni. Æskilegt er að annar umsagnaraðili tengist námi og hinn vinnu.
Haft verður samband við meðmælendur og óskað eftir meðmælum eftir þörfum.
-
3. Greinargerð: Ástæður umsóknar
SkyldaÍ þessari greinagerð eru umsækjendur vinsamlegast beðnir um að gera grein fyrir því;a. hvaða þýðingu þeir telja að námið hafi fyrir sig,b. hvað þeir telja eftirsóknarvert við nám í menntunarfræðum listgreina og listum í skólastarfi.c. hvaða kosti umsækjandi hefur til að bera sem líklegt er að muni koma sér vel í kennslu og miðlun.
Hámarks lengd er 300 orð. -
4. Ferilskrá (CV)
SkyldaFerilskrá með almennum upplýsingum um umsækjanda skal fylgja umsókn. Ferilskrá skal innihalda yfirlit yfir menntun, störf, tungumálagetu og aðra reynslu sem umsækjandi telur að nýtist í náminu. Ferilskráin ætti ekki að vera lengri en tvær síður. -
Inntökuferli
Umsækjendur sem uppfylla öll inntökuskilyrði námsleiðar eru boðaðir í inntökuviðtal.
Umsækjendur þurfa ekki að hafa með sér gögn í inntökuviðtal nema þeirra sé sérstaklega óskað af inntökunefnd.
Inntökunefnd listkennsludeildar fer yfir umsóknir og velur umsækjendur sem fá boð um skólavist.
Þeir umsækjendur sem fá boð um skólavist þurfa að staðfesta hvort þeir hyggist taka því með því að greiða skrásetningargjald fyrir komandi skólaár.
Úrskurður inntökunefndarinnar er endanlegur og er inntökunefnd ekki skylt að gefa nánari skýringar á úrskurði sínum.
-
Tungumálakunnátta
Meistaranám í listkennslu er nám sem kennt er á íslensku nema um erlenda gestakennara sé að ræða, þá fer kennsla fram á ensku. Umsækjendur þurfa að vera vel færir um að tjá sig munnlega og skriflega á íslensku í samræmi við kröfur í háskólanámi.
