Opnun á sýning Misbrigði 10 ára

Verkefnið Misbrigði var í ár unnið í tíunda sinn af nemendum í fatahönnun á 2. ári við Listaháskóla Íslands í samstarfi við Fatasöfnun Rauða kross Íslands.

Markmið þess er að rannsakaða leiðir til að skapa nýjan fatnað úr ósöluhæfum flíkum. Að nýta þekkingu og aðferðafræði hönnunar til að glæða gömul klæði og efni nýju lífi og vekja um leið athygli á þeirri offramleiðslu og textílsóun sem við búum við í dag.

Til að fagna þessum tímamótum hefur verið sett upp sýning í Norræna Húsinu sem var opnuð 22. nóvember síðastliðinn og mun standa yfir til 15. desember. á sýninguni má finna tískuljósmyndir af verkefnum nemenda síðustu tíu ára, myndbandsupptökur af tískusýningunum, myndbönd úr smiðju nemenda, vinnubækur úr verkefninu ásamt ljósmyndum sem sýna vinnuna á bak við tjöldin.

Ljósmyndir: Eygló Gísladóttir