Automatic translation by Google Translate.We cannot guarantee that it is accurate.
Skoða vefinn á ÍslenskuRannsóknarþjónusta
Rannsóknarþjónustan veitir ráðgjöf til akademískra starfsmanna með rannsóknarhlutfall varðandi fjármögnun rannsóknaverkefna úr ytri samkeppnissjóðum og leiðbeinir við umsóknarskrif og áætlanagerð. Rannsóknarþjónustan hefur einnig það hlutverk að miðla og kynna rannsóknarverkefni sem unnið er að innan Listaháskólans. Þá veitir rannsóknarþjónustan leiðsögn með skráningu rannsóknarafraksturs akademískra starfsmanna og doktorsnema. Verkefnastjóri rannsókna tekur þátt í gæðastarfi og þróun rannsóknarmenningar við skólann, og heldur utan um störf rannsóknanefndar fagráðs.
Verkefnastjóri rannsókna er Sigmundur Páll Freysteinsson: sigmundurpf@lhi.is
Innrasvæði rannsókna á Uglu
Á innrasvæði rannsókna má finna helstu upplýsingar um reglur og stefnur er lúta að rannsóknarstarfi LHÍ, þar á meðal upplýsingar um innanhússjóði LHÍ, n.t.t. Rannsóknar- og Útgáfusjóð, sem og reglur um rannsóknarleyfi og annað um innra starf rannsókna.
Rannsóknarafrakstur
Listrannsóknir fela í sér fjölbreyttar aðferðir og miðlunarleiðir sem þróaðar eru fyrir tilstilli listsköpunar. Þær eru settar fram á forsendum listanna í samhengi sem getur falið í sér fagurfræðilegar, þekkingarfræðilegar, siðfræðilegar, pólitískar og samfélagslegar vísanir. Niðurstöðum er ætíð miðlað með opinberum hætti, til sérfræðinga jafnt sem almennings, hvort sem er í listrænu formi eða á fræðilegum vettvangi.