Starfsnám í íslenska skálanum á Feneyjatvíæringnum

Óskað er eftir starfsnemum til að hafa eftirlit með og miðla sýningunni Lavaforming sem er framlag Íslands á Feneyjatvíæringnum í arkitektúr 2025. Feneyjatvíæringurinn í arkitektúr er einn mikilvægasti viðburður á sviði arkitektúrs á heimsvísu.

Á tvíæringnum koma saman aðilar sem vinna á vettvangi arkitektúrs og þróun manngerðs umhverfis, t.a.m. fulltrúar ríkja, sveitarfélaga, arkitektar og hönnuðir, sérfræðingar á sviði byggingartækni, framleiðendur byggingarefna, fjárfestar og þróunaraðilar bygginga svo einhverjir séu nefndir. Árið 2023 voru 63 þjóðir sem tóku þátt í tvíæringnum og voru sýningagestir yfir 285.000 talsins og komu þeir allstaðar að úr heiminum.

Alls er verið að leita eftir sjö starfsnemum.

Tímabil sem um ræðir er:

-1. maí til 30. júní (2 mánuðir)
-1. maí til 31. júlí (3 mánuðir)
-1. maí til 15. september (4 1/2 mánuður)
-30. júní til 31. ágúst (2 mánuðir)
-31. júlí til 30. nóvember (4 mánuðir)
-31. ágúst til 30. nóvember (3 mánuðir)
-15. september til 30. nóvember (2 1/2 mánuður)

Hverjir geta sótt um?
-Háskólanemar á öllum stigum háskólanáms og allt að ári eftir útskrift

Helstu verkefni og ábyrgð:
-Eftirlit með íslenska skálanum á meðan dvöl stendur
-Móttaka gesta og miðlun sýningar og upplýsingum um arkitektúr á Íslandi
-Skrifa pistla um sýningar tvíæringsins
-Miðlun efnis til MH&A
*Starfsnemar fá góða og ítarlega kynningu á íslenska skálanum frá teyminu sem stendur á bak
við Lavaforming áður en farið er út í starfsnámið. 

Hvað sem skal þróa í starfsnáminu:
-Miðla arkitektúr í ræðu og riti
-Færni í samskiptum
-Auka þekkingu á alþjóðlegum arkitektúr

Kostur starfsnámsins:
-Styrkir tengslanet
-Veitir alþjóðlega reynslu
-Byggir upp ferilskrá

Hæfniskröfur:
-Sjálfstæði, metnaður og drifkraftur.
-Hæfni og áhugi á að til að tjá sig í ræðu og riti um arkitektúr.
-Mjög góð enskukunnátta. Þekking á þriðja tungumáli er kostur.

Ábyrgð starfsnema:
-Útvega sér íbúðarhúsnæði
-Koma sér til og frá Feneyjum

Veittur er styrkur meðan á dvöl stendur:

Erasmus +: 606 Evrur mánaðarlega
Flugstyrkur: 305 Evrur
Miðstöð hönnunar og arkitektúrs: 15 Evrur daglega, aðgöngumiði á tvíæringinn yfir tímabilið.

Starfsnemar vinna að jafnaði 30 tíma á viku

Íslenski skálinn á Feneyjatvíæringnum:
-Sumaropnun: 11:00-19:30
-Haustopnun: 10:00-18:30 (frá 1. október-23. nóvember)
Lokað á mánudögum

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi í starfsnámið. Eins þarf að fylgja upplýsingar um hvaða tímabil er óskað eftir. Tímabilin mega vera fleiri en eitt sem óskað er eftir.

Starfsnemar á vegum MH&A og LHÍ eru bæði slysa og tjónatryggðir á meðan dvöl stendur.

Öll áhugasöm eru hvött til að sækja um!

Kynningarfundur á starfsnáminu fer fram miðvikudaginn 13. nóvember kl. 12:10-13:00 í Bratta, Stakkahlíð 1, LHÍ.

Frekari upplýsingar veitir Gerður Jónsdóttir, verkefnastjóri Feneyjatvíæringsins í arkitektúr, gerdur@honnunarmidstod.is
Umsóknarfrestur rennur út 1. desember 2024.
Umsóknir skal senda á netfangið gerdur@honnunarmidstod.is