Tölvu- og vefþjónusta

• Leiðbeiningar um hvernig á að stofna verkbeiðni
• Ýmsar leiðbeiningar fyrir nemendur og starfsmenn

Aðsetur og viðverutími þjónustudeildar:

Aðalskrifstofa tölvusviðs er staðsett á jarðhæð í Stakkahlíð 1.

Starfsmaður tölvusviðs er með viðveru í öllum aðalbyggingum LHÍ
Í Stakkahlíð alla daga frá kl. 9.00-16.00
Í Laugarnesi á þriðjudögum kl. 9.00 -12.00
Í Skipholti á fimmtudögum kl. 9.00 -12.00
Í Borgartúni eftir samkomulagi

Sigurþór Albert Heimisson (Sóri)
Sími: 545 2290
Email: sori@lhi.is

Björgvin Þorgrímsson
Email: bjorgvin@lhi.is

Viktor Aron Bragason
Sími: 545 2290
Email: viktor@lhi.is

Starfsmenn tölvusviðs eru að störfum frá kl. 9.00 – 16.00. Oft eru þeir að störfum fjarri skrifstofum sviðsins og er þá hægt að senda ósk um aðstoð í tölvupósti á verk@hjalp.lhi.is

Til að óska eftir þjónustu er sendur tölvupóstur á verk@hjalp.lhi.is Þá er gefið upp nafn og staða innan skólans (nemandi, kennari, skrifstofa) ásamt staðsetningu (Þverholti – Skipholti – Laugarnesi- Borgartúni – Þórunnartúni – Austurstræti)) netfangi og símanúmeri og borið upp erindi. Bilanir eða önnur atriði sem stöðva kennslu njóta forgangs og og er þá hægt að hafa samband í síma 545 2290

Reglur um notkun tölvubúnaðar í eigu eða umsjá Listaháskólans gilda fyrir alla starfsmenn og nemendur skólans. Notendum er skylt að kynna sér reglurnar. Brot á þessum reglum geta leitt til lokunar á aðgangi að tölvukerfi LHÍ, sé um alvarlegt eða endurtekið brot að ræða, getur það endað með brottvísun úr Listaháskóla Íslands.

Nemendur fá úthlutað pósthólfi hjá lhi.is
Pósthólfið er staðsett á netþjónum Microsoft og veitir um leið aðgang að 100 GB geymslusvæði í OneDrive, aðgang að Office 365 forritum (Word, Excel, PowerPoint og fl.) og leyfi til að hlaða niður Office forritunum á allt að 5 tæki.

Nemendur fá prentunarkvóta á önn sem samsvarar 100 A4 síðum í lit eða 500 A4 síðum í svart/hvítri laserprentun. Ef þeir fara umfram hann þurfa þeir að greiða sérstaklega fyrir prentun.

Tölvudeildin veitir upplýsingar og aðstoð eftir atvikum til að:

• Tengjast netkerfi
• Stilla aðgang að póst- og prentþjónustu skólans
• Komast á skráaþjóna skólans

Á vinnusvæðum nemenda er þráðlaust net.Nemendur eiga að tengjast þráðlausu neti sem heitir LHI með netfangi og lykilorði. (Windows notendur með notendanafni (fram að @lhi.is} og lykilorði)
Nemendur geta fengið aðstoð við grunnþjónustu sem snýr að námi þeirra við skólann. Þau kerfi sem þjónustudeild styður eru: Mac OS X, Linux, Windows.
Ef ekki er hægt að stilla vélar inn á grunnþjónustu vegna bilunar í vélbúnaði, stýrikerfi eða öðrum hugbúnaði verður nemandi að snúa sér til síns viðgerðaraðila.

Upplýsingar og aðstoð eftir atvikum til að: tengjast netkerfi skólans, stilla póstþjónustu skólans, komast á skráarþjóna skólans, setja upp prentara skólans á vélum kennara þar sem það á við og fleira.
Vélar og tæki starfsfólks og kennara í eigu skólans fá fulla þjónustu, jafnt vélbúnaðar sem hugbúnaðar. Stundakennarar geta fengið aðstoð við grunnþjónustu sem snýr að kennslu þeirra við skólann.
Starfsmenn tengist þráðlausu neti sem heitir SKRIFSTOFA með netfangi og lykilorði (Windows notendur með notendanafni (fram að @lhi.is} og lykilorði)
Ef ekki er hægt að stilla vélar inn á grunnþjónustu vegna bilunar í vélbúnaði, stýrikerfi eða öðrum hugbúnaði verður kennari að snúa sér til síns viðgerðaraðila.

Í skólanum eru til tæki til prentunar. Ef prenta þarf mikið magn gagna er rétt að hafa samband við tölvusvið sem getur metið hagkvæmni innanhússprentunar eða mælt með aðkeyptri prentun.

Hér eru leiðbeiningar um það hvernig notendur geta sett upp prentara á eigin tölvur.