Diljá Finnsdóttir, BA skapandi tónlistarmiðlun

02.05.24 – kl.17:00
Gróska, fundarsalur

Diljá Finnsdóttir
BA skapandi tónlistarmiðlun

Tónlist fyrir öll
Verkefnið byggir á lokaritgerð Diljár sem fjallar um aðgengi og tækifæri einstaklinga með áskoranir og fatlanir til tónlistarnáms. Í samstarfi við hæfingastöð á Akureyri fékk hún til sín lítin hóp einstaklinga með fatlanir sem hafa áhuga á tónlist og hélt með þeim tónsmiðju. Markmið smiðjunnar er að búa saman til tónlist, í hvaða formi sem er þar sem þátttakendur fá notið sín auk þess að stuðla að jöfnum tækifærum til tónlistariðkunar.

Diljá Finnsdóttir
Diljá stundaði fiðlunám í Tónlistarskólanum á Akureyri og útskrifaðist þaðan með framhaldspróf árið 2020. Hún bætti við sig námi í víóluleik seinustu árin sín í Tónlistarskólanum og haustið 2021 hóf hún bakkalárnám í klassískri hljóðfærakennslu við Listaháskóla Íslands með víólu sem aðalhljóðfæri. Hún bætti svo við sig skapandi tónlistarmiðlun og tók báðar brautir saman. Meðfram náminu hefur Diljá tekið þátt í fjölbreyttum tónlistarverkefnum, unnið og spilað með ýmsum hljómsveitum og tónlistarfólki bæði á tónleikum og í upptökum.