Eyberg Sólveigar Högnason

Rót

Starfendarannsókn; að kenna nýsköpun, þróa starfskenningu og vaxa í starfi kennara

Verkefnið er starfendarannsókn á kennslu nýsköpunar við Vallaskóla á Selfossi á skólaárinu 2023–2024. Markmið rannsóknarinnar var að þróa starfskenningu fyrir kennslu nýsköpunar og efla fagmennsku mína sem kennari.

Verkefnið snýst um nýsköpunarkennslu í svokölluðu sköpunarrými (e. makerspace) þar sem áhersla er lögð á nemendamiðað nám með eflandi kennslufræði að grundvelli. Rannsakandi útbjó vinnustofu í anda hönnuða og framkvæmdi rannsóknir í kennslustundum með því að halda rannsóknardagbók, taka myndir, gera vettvangsathuganir og skrá athugasemdir úr samtölum við nemendur.

Niðurstöður rannsóknarinnar benda til þess að með þjónandi forystu, áhugadrifnum og nemendamiðuðum kennsluháttum sé mikill ávinningur fyrir bæði nemendur og kennara. Áhrifin á skólastarf eru jákvæð og leiða til aukins sjálfstæðis, virkni og lausnarmiðaðs hugarfars hjá nemendum. Takmarkið er að vaxa í starfi kennara og tileinka mér kennsluaðferðir sem ekki aðeins geta aukið námsáhuga nemenda heldur stuðlað að sannmenntandi námi og haft djúpstæða merkingu fyrir tilveru einstaklinga.

Kenningar og hugtök fræðimanna á sviðum heimspeki, kennslufræði og sálfræði eru fræðilegur bakgrunnur rannsóknarinnar þó víðar sé komið við. Starfendarannsókn sem rannsóknarform borið saman við hönnunarhugsun er varðar aðferðafræði rannsóknarinnar sem snýst um sviðið; leit höfundar við að fóta sig í hlutverki kennarans og kennslu námsgreinarinnar. Í umræðukafla er reynsla mín af ferlinu sett fram í samhengi við fræðilegan bakgrunn rannsóknarinnar og að lokum er starfskenning kynnt í formi stefnuyfirlýsingar þar sem fram koma grunngildi, aðferðum gerð skil og ályktanir dregnar.

Leiðbeinandi: Ingimar Ólafsson Waage
30 ECTS MA kennslufræði
2024