Eydís Egilsdóttir Kvaran Öldur afkimanna (e. Waves of Extremity)

26.03.25
Bíó Paradís


Flytjandi
Eydís Kvaran

Eydís Kvaran
MMus í Sköpun, miðlun og frumkvöðlastarf.

Eydís Kvaran er íslensk tónlistarkona sem hefur á ferli sínum dýft tánum í hinar ýmsu tónlistarhreyfingar. Eydís er fiðluleikari í grunninn en hefur komið fram með hljómsveitunum Ólafi Kram og Turtura á gítar, leikið á tilraunakenndu hljóðfærin halldorophone og proto-langspil á vegum Intelligent Instruments Lab og stundað lifandi spuna á fiðlu. Eydís útskrifaðist úr kvikmyndafræði við Háskóla Íslands árið 2023 og er þetta verkefni áframhaldandi rannsókn hennar á sambandi tónlistar og kvikmynda.

Öldur afkimanna

Öldur afkimanna (e. Waves of Extremity) er tilraunakennd stuttmynd með hryllingsívafi þar sem tónlist er í forgrunni. Í henni er samband mannverunnar við íslenskt landslag rannsakað og hvernig hún hreyfir sig í gegnum fjöllin. Tengingar og aftengingar, dulúð og aðdráttarafl. Kannski er hún ekki alltaf velkomin. Verkefnið byggir á spuna sem listræna nálgun, tónlist sem ríkjandi frásagnaraðferð en í gegnum þá listrænu nálgun er samband mannverunnar við háleit nátttúruöflin skoðað. Myndefnið var tekið upp á super-8 filmu og samanstendur tónlistin af frjálsum flutningi á fiðlu, halldorophone og proto-langspili. Mannveran er leikin af Natalíu Ísfeld Mirrudóttur.