Katrín Karítas Viðarsdóttir, BA skapandi tónlistarmiðlun

02.05.24 – kl.18:00
Gróska, fundarsalur

Katrín Karítas Viðarsdóttir
BA skapandi tónlistarmiðlun

Að víkka sjóndeildarhringinn með spuna
Verkefnið ,,Að víkka sjóndeildarhringinn með spuna” er útskriftarverkefni Katrínar úr Skapandi tónlistarmiðlun við Listaháskóla Íslands. Verkefnið er byggt á lokaritgerð hennar, ,,Spuni, lausn allra vandamála?” og var markmið verkefnisins að kynna mismunandi gerðir af spuna fyrir ungum tónlistarnemendum með þeim tilgangi að sýna þeim hvað spuni getur gert fyrir þau sem tónlistarfólk og hvernig hann getur nýst þeim í þeirra námi.

Katrín Karítas Viðarsdóttir
Katrín Karítas hóf tónlistarnám sitt við Tónlistarskólann á Akureyri þegar hún var fimm ára gömul. Þar æfði hún á píanó, fiðlu og víólu en er víólan hennar aðal hljóðfæri í dag. Haustið 2021 hóf hún nám við Listaháskóla Íslands í Klassískri hljóðfærakennslu á víólu undir leiðsögn Þórunnar Óskar Marinósdóttur. Eftir nýnemaferðina snemma á fyrstu önn sá Katrín hvað tónlist hefur upp á margt að bjóða og ákvað því að stunda einnig nám við Skapandi tónlistarmiðlun en þar sem hún gat ekki sleppt klassíkinni mun hún útskrifast af Klassísku kennara brautinni á víólu vorið 2025. Katrín hefur spilað í allskyns hljómsveitum líkt og Korda Samfónía, Ungfóníunni, Ungsveit Sinfóníuhljómsveitar Íslands og hefur spilað með Sinfóníuhljómsveit Norðurlands.