Ragnheiður Petra Óladóttir, BA söngur

01.05.24 – kl.14:00
Gróska, fundarsalur

Ragnheiður Petra Óladóttir
BA söngur

Flytjendur
Matthildur Anna Gísladóttir, píanó
Steinunn María Þormar, sópran

Ragnheiður Petra Óladóttir hóf söngnám sitt hjá Helgu Rós Indriðadóttur. Petra var einnig í Kvennakórnum Sóldís þar sem hún fékk að spreyta sig sem einsöngvari. Eftir þrjú ár í söngnámi í Skagafirðinum fór hún suður í óperudeild Söngskóla Sigurðar Demetz. Þar var hún undir handleiðslu Sigrúnar Hjálmtýsdóttur. Árin 2016 og 2017 tók hún þátt í Óperuakademíu unga fólksins þar sem settar voru upp senur úr ýmsum óperum í Hörpu. Utan skólaveggjanna hefur hún tekið þátt í ýmsum utan að komandi verkefnum. Þar á meðal frumflutti hún verk Eddu Bjarkar Jónsdóttur ásamt Ólafi Frey Birkissyni og Sinfóníuhljómsveit áhugamanna og verið gestasöngvari á Jólahúnum á Blönduósi.

Í gegnum skólagöngu sína hefur Petra fengið tækifæri til að syngja og læra ýmis hlutverk, líkt og Madame Hertz í Schauspieldirektor eftir Wolfgang Amadeus Mozart, Annina úr Eine Nacht in Venedig eftir Johann Strauss og Næturdrotninguna úr Töfraflautunni eftir Wolfgang Amadeus Mozart. Núna á vormánuðum syngur Petra Adele í Leðurblökunni eftir Johann II Strauss í uppsetningu Listaháskólans.
Nú klárar hún B.mus gráðu hjá Listaháskóla Íslands þar sem kennarar henna eru Hanna Dóra Sturludóttir, Kristinn Sigmundsson, Dísella Lárusdóttir og meðleikari hennar er Matthildur Anna Gísladóttir. Ferðinni er síðan heitið út í áframhaldandi nám.