Vala Yates Shine – Home

26.03.25
Norræna Húsið
Shine – Home

Flytjendur
Ágúst Arnhildarson: Fiðla, Martin-Ott Sülla: Jembe, Sveinbjörn Ólafsson: Rafmagnsgítar, Tinna María Verret: Söngskálar og önnur tónheilunarhljóðfæri

Vala Sigríður Guðmundsdóttir Yates
MMus í Sköpun, miðlun og frumkvöðlastarf.
Vala Yates, tónskáld verksins, hefur sjálf upplifað ótal andleg ferðalög. “Djúp hugleiðsla, innra ferðalag, andlegt ferðalag, innri íhugun”, hvað sem við köllum það, er upplifun sem hægt er að nálgast með því að tengjast inn á við og kafa í djúp undirmeðvitundarinnar. Þar leynist ýmislegt sem við tökum ekki eftir, fyrr en við veitum því þetta rými. Þá getur ýmislegt komið upp á yfirborð vitundar okkar, þar sem við sjáum það, finnum, heyrum og jafnvel skiljum. Þessi iðkun getur hjálpað okkur að skilja sjálf okkur betur, og jafnvel breytt einhverju í okkar hegðun/mynstrum eða hugsunum. Valið að breyta einhverju í lífi okkar, og ákveðið að taka öðruvísi ákvarðanir en við höfum hingað til gert.
Síðustu ár hefur verið mikið í umræðunni að nota hugbreytandi efni til þess að stytta sér leið inn í þetta ástand þar sem undirmeðvitund og yfirvitund mætast. Það virkar vissulega, það er hægt að nota þessa aðferð. En það er líka hægt með því að komast í djúpslökunarástand með einum eða öðrum hætti.
Í þessu tónverki, leitast Vala eftir því að líkja eftir slíku ferðalagi, og býr þannig til rými fyrir gesti til að upplifa slíkt ferðalag saman, í sama rýminu, á sama tíma. Hvort sem ferðalagið vekur upp kunnuglegar tilfinningar af fyrrum ferðalögum þínum, eða gefur þér nýja innsýn og upplifun, hefur það vonandi djúpstæð áhrif á þig og hreyfir við þér, djúpt í undirvitundinni. Og skilar þér til baka í djúpslökunar ástandi, með djúpa kyrrð og innri ró.

Shine – Home
er tónlistarupplifun, þar sem Vala Yates leitast við að endurskapa djúpt innra ferðalag – þar sem undirmeðvitund og yfirvitund mætast.
Tónverkið spratt upp frá rannsóknum Völu á slökun taugakerfisins og hvaða áhrif hugleiðsla hefur á starfsemi heilans, og er partur af útskriftarverkefni hennar frá meistaranámi í Listaháskóla Íslands (NAIP; Sköpun, miðlun og frumkvöðlastarf).
Shine – Home er rafverk sem spilað er úr hátölurum, en Vala, ásamt nokkrum hljóðfæraleikurum munu spinna “live” yfir rafverkið.

Shine – Home
is a musical experience, in which Vala Yates seeks to recreate a deep inner journey – where the subconscious and the conscious come together.
This work has emerged from Vala’s research on the relaxation of the nervous system and the effects of meditation on the brain, and is part of her graduation project for her master’s degree from the Iceland University of the Arts (NAIP; New Audiences and Innovative Practices).
Shine – Home is an electronic piece, played through speakers, while Vala and other musicians will improvise live over the electronic piece.