Píanódeild Listaháskóla Íslands gerðist nýlega aðili að samstarfsverkefni norrænna listaháskóla sem kallast “Crossing Keyboards” .
Í samstarfinu felst meðal annars að nemendur og prófessorar skólanna heimsækja hvern annan og halda þar masterklassa og tónleika.
Mánudaginn 18. september heimsækja kennarar og nemendur úr Lettneska tónlistarháskólanum Jāzeps Vītols í Riga tónlistardeild LHÍ.
Prófessorarnir Juris Kalnciems og Toms Ostrovskis halda píanómasterklassa í Skipholti 31 kl. 14-18 og fjórir nemendur JVLMA - Lāsma Neulāne, Viktorija Trofimova, Jānis Karpovičs og Aleksandrs Kalējs - koma fram á tónleikum í Norræna húsinu í Reykjavík kl.19:30.
Allir hjartanlega velkomnir.
Nemendur og kennarar tónlistardeildar munu svo heimsækja Jāzeps Vītols í Riga í lok september.
Verkefnið er stutt af Nordplus.
