ÚTSKRIFTARNEMAR & HLUTVERK

LISTRÆNIR STJÓRNENDUR

Leikstjóri: Edda Björg Eyjólfsdóttir
Leikmynd og búningar: María Th. Ólafsdóttir
Lýsing: Ólafur Ágúst Stefánsson
Myndvörpun: Ásta Jónína Arnardóttir
Tónlist: Peter J. Östergaard
Hljómborði/píanó: Yuichi Yoshimoto
Sviðshreyfingar: Vala Ómarsdóttir
Leikmyndasmíði: Egill Ingibergsson
Ljósmyndir: Leifur Wilberg Orrason

Efsta röð frá vinstri: Gunnur Martinsdóttir Schlüter, Jón Bjarni Ísaksson, Gréta Arnarsdóttir, Selma Rán Lima, Nikulás Hansen Daðason, Birta Sólveig Söring Þórisdóttir, Mikael Emil Kaaber, Berglind Alda Ástþórsdóttir, Hólmfríður Hafliðadóttir & Jakob van Oosterhout.

SÝNINGAR:
Frumsýning fim 23. maí kl. 20.00
2 sýning fös 24. maí kl. 20:00
3 sýning lau 25. maí kl. 20:00
4 & 5 sýning sun 26. maí kl. 15:00 & 20:00
6 sýning þrið 28. maí kl. 20:00
7 sýning mið 29. maí kl. 20:00
8 sýning fim 30. maí kl. 20:00
9 sýning fös 31. maí kl. 20:00
10 sýning lau 1. júní kl. 20:00

BÓKA MIÐA HÉR.

ÁVARP LEIKSTJÓR

Það er með miklu þakklæti og auðmýkt sem ég rita þetta ávarp. Fyrst og fremst er það þakklæti fyrir að fá að vinna með og leikstýra þessum glæsilegu og hæfileikaríku útskriftarnemum af leikarabraut LHÍ sem sannarlega hafa sýnt hvað í þeim býr. Með einlægni, fegurð og hugrekki að vopni hafa þau unnið ötullega í sínu námi þar sem þau hafa vaxið og dafnað með hverju verkefninu. Þau hafa jafnt og þétt skapað sér sína sérstöðu og lagt grunninn að listamanninum í sér svo unun hefur verið að fylgjast með. 

Í öðru lagi er það þakklæti fyrir að fá að setja upp með þeim eitt fallegasta og besta leikverkið,  Kirsuberjagarðinn eftir Anton Tsjekhov.  Hvað við erum heppinn að hafa fengið að vera í þeim garði að leika okkur! Tsjekhov og hans verk hafa verið mér hjartfólgin lengi, eða frá þeirri stundu þegar ég sá Mávinn í uppsetningu Rimas Tuminas, hér í Þjóðleikhúsinu. Það var eins og hulu væri frá svipt, allt var svo skýrt og svo fallegt, líka fyndið og grátbroslegt, mér fannst ég skilja þessar manneskjur. Síðan átti ég eftir að sjá allar sýningarnar hans Rimasar, m.a Kirsuberjagarðinn. Frú Emilía setti sömuleiðis upp ógleymanlega sýningu á Kirsuberjagarðinum í Héðinshúsinu, allt eru þetta sýningar sem lifa með manni. 

Það er skemmst frá því að segja að upp frá þessu elskaði ég leikritin og sögurnar hans Tsjekhov af öllu hjarta og hef séð uppsetningar af þeim víða um heim.  

Tsjekhov hefur einstaka sýn á lífið og á mannssálina. Hann er snillingur í að segja okkur sögur af manneskjunni, af okkur sjálfum, vonum okkar og þrám, og hann gerir það á sinn hátt með kurteisi, virðingu og kærleika þannig að allir geta tengt við persónurnar og það sem þær eru að ganga í gegnum. Hann segir okkur sögur af mennskunni, hvað það er að vera til og hvað við getjm verið grátbrosleg í okkar mestu þjáningum. Leikritin hans eiga alltaf við okkur erindi því allt gengur í hringi og manneskjan er alltaf sú sama þegar allt kemur til alls. Í þessari sögu eru persónurnar m.a. takast á við óttann við breytingar- „allt tekur enda í þessum heimi“ segir í verkinu, nýjar kynslóðir taka við af gömlum, tímabil í lífi fólks taka enda og ný taka við, hvernig förum við að því að sleppa tökunum, að horfast í augu við það sem við óttumst mest?  Í þessu ferli höfum við verið að skoða m.a. þessa hluti og verið óhrædd við að spyrja okkur stórra spurninga, hvað það er að vera til, að vera manneskja? Hver er tilgangur lífsins? Hvað þýðir að eiga heima?  Hvað er hamingja? Við höfum sett fókusinn á manneskjuna og á hringrás lífsins. Kirsuberjagarðurinn er heima, hann er ástin, hamingjan, frelsið, hann býr í hjörtum okkur allra. Við þurfum ekki annað en að leita inn á við, til okkar sjálfs, til að finna það sem við leitum að, til að sigrast á ótta og hatri og til að elska.   

Ég vil þakka Þjóðleikhúsinu og öllu því frábæra fólki sem þar starfar fyrir dásamlegt samstarf og fyrir að hafa tekið svona vel á móti okkur. Sömuleiðis þakka ég Listaháskóla Íslands og öllum aðstandendum fyrir gjöfult og gott samstarf. 

Kæru leikarar, ég óska ykkur innilega til hamingju með áfangann, þið eruð stjörnur sem skínið skært !  

Megi framtíð ykkar vera björt og gæfurík. Njótið ferðalagsins! 

Ykkar einlæglega, 

Edda Björg Eyjólfsdóttir