Hugmyndin er að varpa ljósi á ofgnótt textíls og mikilvægi þess að fólk og fyrirtæki vinni í sameiningu að því að draga úr sóun og skapa hringrás textíls, náttúrunni og framtíðarkynslóðum til heilla.

Fatasöfnun Rauða krossins og námsbraut í fatahönnun við Listaháskóla Íslands hafa síðasta áratuginn staðið að verkefninu Misbrigði. Nemendur á öðru ári hanna þrjá alklæðnaði úr notuðum, ósöluhæfum fatnaði og textíl. Með verkefninu fá nemendur tækifæri til vinna með textíl sem til fellur, með tilheyrandi áhrifum á hönnunarferlið og fá um leið innsýn og skilning á þeim áhrifum sem fataiðnaðurinn hefur á samfélög og umhverfi.

Hringrásarklasinn er samstarfsnet fyrirtækja sem starfa í anda hringrásarhagkerfisins. Aðal áhersla verkefnisins er stuðla að betri nýtingu þeirra úrgangsstrauma sem falla til og draga úr myndun úrgangs með auknu samstarfi og meiri nýsköpun aðila í atvinnulífinu.

Sýningin verður í fallegu gróðurhúsi í bakgarðinum hjá Exeter hótelinu á Tryggvagötu.