Automatic translation by Google Translate.We cannot guarantee that it is accurate.
Skoða vefinn á ÍslenskuTilraun – Æðarrækt
Rúna Thors fer yfir verkefnið Tilraun – Æðarrækt þar sem að kastljósinu er beint að samlífi æðarbóndans og æðarkollunar.
Rúna Thors lektor í vöruhönnun fer með gesti í leiðsögn um ljósmyndir frá sýningu sem hún stýrði ásamt Hildi Steinþórsdóttur. Tilraun – Æðarrækt er rannsóknarverkefni sem hófst árið 2019. Æðarfuglinn og æðarbændur hafa þróað einstakt samband sín á milli byggt á vináttu og gagnkvæmu trausti og er báðum aðilum til hagsbóta. Æðarbóndinn ver fuglinn gegn vargi og fær að launum dún fuglsins, eitt best einangrandi efni í heiminum. Ef dúnninn er ekki tíndur fer hann forgörðum. Listamennirnir á sýningunni voru með fjölbreyttan bakgrunn í myndlist, hönnun, sviðslistum, tónlist og arkitektúr.
Rúna Thors er menntaður vöruhönnuður frá Design Academy Eindhoven, með MA gráðu í Hagnýtri menningarmiðlun frá Háskóla Íslands. Hún hefur kennt við námsbraut í vöruhönnun við Listaháskóla Íslands frá árinu 2011 og var fagstjóri námsbrautarinnar á árunum 2017-21. Rúna nálgast viðfangsefni sín í gegnum tilraunir. Í vinnu sinni leggur hún áherslu á opið og skapandi ferli og treystir aðferðafræðinni til að leiða sig á óvæntar slóðir. Hún hefur unnið að fjölbreyttum hönnunarverkefnum og sýningarstjórn, sjálfstætt og sem hluti af hönnunarteymunum Attikatta, Whitehorse og TOS.
