S(Á)ALUR er samspil milli dans og loftfimleika.
Salurinn er staður þar sem nýjar sýningar koma til með verða til, þar sem innblásturinn leikur við hugann, tilfinningar ná hámarki og þar sem vonir um að breyta heiminum gegnum listina verða til. Hver eru djúpstæð leyndarmál hans? Og hvernig verða töfrarnir sem þetta rými býr yfir til?
Í verkinu S(Á)ALUR má eflaust finna svarið við því. Verkið er ákveðin endurspeglun á því hvað gerist innan salsins, rýmisins sem lengi hefur verið talinn sem griðarstaður margra listamanna.

HVENÆR//WHEN:
Föstudaginn 21.03 kl. 20:00-20:50
Laugardaginn 22.03 kl. 17:00-17:50
Laugardaginn 29.03 kl. 16:00-16:50

HVAR//WHERE:
Stóra Black box, L223, LHÍ Laugarnes

Á Milli Stjarnanna er sjálfsævisögulegur söngleikur sem segir dramatíska sögu poppstjörnunnar Blossa. Áhorfendur fylgja ferðalagi hans frá æsku til frægðar og fá innsýn í áhrif Madame Bourgeois söngkennara og lífsþjálfa, sem opnaði dyr fyrir hann í París og Los Angeles. Sýningin fjallar einnig um þær áskoranir sem fylgja flóknu sambandi Blossa við æskuvinkonu sína og fyrrum nágranna, tónlistarkonuna Bríeti, en þau hittast aftur eftir að hafa misst sambandið. Einnig er vikið að samskiptum hans við leikkonuna Lindsay Lohan og slúðrinu sem því fylgdi. Með tilfinningaríkum lögum lifnar saga poppstjörnunnar Blossa og vegferð hans í tónlistarheiminum við á sviðinu í þessari einstöku sýningu.

HVENÆR//WHEN:
26. mars kl 17:00 og 20:00
1 klukkustund og 30 mínútur ekkert hlé

HVAR//WHERE:
Borgarleikhúsið – Litla svið
Listabraut 3, 103 Reykjavík

Í tilraun til að gera upp námið sem senn er á enda mistekst Grími að safna saman hans nánustu samstarfsfélögum, hljómsveitinni sem hann stofnaði í áfanganum Sviðsetning hins persónulega. Hann kemst að því að í raun var hljómsveitin ekki eins náin honum og hann hélt. Hann er… einn í þessu lífi. Og öll hans sambönd eru frat. En! Hann ætlar ekki að gefast upp í leitinni að sannri tengingu og nánd. Hann ætlar að stofna til ástarsambands.

HVENÆR//WHEN:
Miðvikudagur, 19. mars frá 20:00 til 21:00
Föstudagur, 21. mars frá 18:00 til 19:00
Laugardagur, 22. mars frá 16:00 til 17:00

HVAR//WHERE:
L220, LHÍ Laugarnes
Laugarnesvegur 91, 105 Reykjavík

Kæru Íslendingar,
Sigurvegarar þorskastríðanna þriggja.
Nú styttist í að ykkar sigur gegn breska stórveldinu eigi 50 ára afmæli. Við bjóðum ykkur formlega velkomin á hafsbotninn þar sem við munum flytja fyrir ykkur þessa mikilvægu sögu. Henni megið þið ekki gleyma, enda er þetta líka okkar saga!
Góða ferð á botninn,
Þorskarnir.

ÞORSKASAGA er nýr söngleikur upp úr þorskastríðunum þar sem þorskarnir fá loksins að segja söguna.

HVENÆR//WHEN:
Þriðjudagur 25. mars kl 19:00-19:40 & 21:00-21:40
Fimmtudagur 27. mars kl 19:00-19:40

HVAR//WHERE:
Borgarleikhúsið
Listabraut 3, 103 Reykjavík
ATH – Gengið inn bakdyramegin.

Er guð til? Var Jesú kona? Í hvaða landi er Jerúsalem?

4 prestar safnast saman með það markmið að breyta ímynd kirkjunnar til hins betra, sama hversu erfitt það verður, þá má aldrei missa trúnna.

HVENÆR//WHEN:
Fimmtudagur 27. mars kl 21:00-22:00
Föstudagur 28. mars kl. 18:00-19:00 & 20:00-21:00

HVAR//WHERE:
Borgarleikhúsið
Listabraut 3, 103 Reykjavík
ATH – Gengið inn bakdyramegin.

Leikgerð byggð á Vanja Frændi eftir Anton Chekov.

Ívan vinnur, Sonia er venjuleg, Læknirinn læknar, Helena glitrar og Prófessorinn – Prófessorinn hefur svo mikið til að hugsa um. Það er eitthvað í gangi í þessu húsi, og þessu húsi – hausi – haus. Hvað er klukkan? Er hún orðin? Er hún að verða? Hvernig súpa er í matinn í kvöld? Er ekki klukka á ísskápnum? Nei, það er ekkert í ísskápnum.

HVENÆR//WHEN:
Sunnudagur 23. mars kl. 19:30-20:50
Miðvikudagur 26. mars kl. 18:00-19:20
Föstudagur 28. mars kl. 20:00-21:20
Laugardagur 29. mars kl. 20:00-21:20

HVAR//WHERE:
L143, LHÍ Laugarnes
Laugarnesvegur 91, 105 Reykjavík

Átta ára gömul snertir Kamilla sár Dags hjá skólahjúkkunni og óútskýranleg tengsl myndast. Sár og meiðsli draga þau hvort að öðru og líf þeirra tveggja flækist saman í 30 ár.

HVENÆR//WHEN:
Laugardagur 22. mars 20:00 – 21:20
Sunnudagur 23. mars 16:00 – 17:20
Mánudagur 24. mars 18:00 – 19:20
Miðvikudagur 26. mars 20:00 – 21:20

HVAR//WHERE:
Stóra Black box, L223, LHÍ Laugarnes
Laugarnesvegur 91, 105 Reykjavík

Suuuuuuð er heitur reitur í miðbæ Reykjavíkur þar sem er grillað, hangið, fengið sér kaldan, fengið sér bit, klórað sér, farið í fótanudd og dansað.

VIÐBURÐINUM ER STREYMT á heimasíðunni marta.is

Þetta opnar í raun hálftima fyrr og lokar seinna um kvöldið. Frjálst að koma inn og út af vild.

HVENÆR//WHEN:
Fimmtudagur, 20. mars frá 19.30 til 21.00
Föstudagur, 28. mars frá 19.30 til 21.00

HVAR//WHERE:
TUNGLIÐ, AUSTURSTRÆTI 22a
ATH – Fyrir ofan Grillmarkaðinn.

Leyfið okkur að segja ykkur sögu, sögu af hetju sem skorað er á til að leggja líf sitt í sölurnar, til að horfast í augu við dauðann skyldi forlögin hylla andstæðing hans. Hefur þú fundið þitt hugrekki? Verður þú tilbúinn þegar dagur þinn kemur?

HVENÆR//WHEN:
Sunnudagur 23. mars frá kl. 21:00-22:20
Mánudagur 24. mars frá kl. 21:00-22:20
Þriðjudagur 25. mars frá kl. 18:00-19:20
Fimmtudagur 27. mars frá kl. 19:00-20:20

HVAR//WHERE:
Stóra Black box, L223, LHÍ Laugarnes
Laugarnesvegur 91, 105 Reykjavík

Sæl verið þið kæru gestir,

Innan veggja þessa heims má finna það sem gæti ykkur hrætt. Stórar spurningar og ljóðrænt fras. Tengingu við tilfinningarnar og barnið sem innra með býr, eða er rofi þar sem myndar brotnar brýr?

Er ég listakona? Er þetta meistaraverk? Slæm listakona! Þetta er meistaraverk!

HVENÆR//WHEN:
Laugardagur – 22. Mars – Kl 20:00-21:00
Mánudagur – 24. Mars – Kl 20:00-21:00
Þriðjudagur – 25. Mars – Kl 18:00-19:00

HVAR//WHERE:
Borgarleikhúsið – Litla svið
Listabraut 3, 103 Reykjavík